அரியலூர் மாவட்ட கலெக்டர் அலுவலகத்தில் மக்கள் குறை தீர்க்கும் கூட்டம்

Grievance Redressal Committee - அரியலூர் மாவட்ட ஆட்சியர் அலுவலகக் கூட்டரங்கில், மக்கள் குறை தீர்க்கும் நாள் கூட்டம் மாவட்ட கலெக்டர் பெ.ரமண சரஸ்வதி தலைமையில் இன்று (01.08.2022) நடைபெற்றது.

இக்கூட்டத்தில், பல்வேறு கோரிக்கைகள் அடங்கிய 301 மனுக்கள் பொதுமக்களிடமிருந்து மாவட்ட கலெக்டரால் பெறப்பட்டு, இம்மனுக்கள் மீது சம்மந்தப்பட்ட துறை அலுவலர்கள் உடனடி நடவடிக்கைகள் மேற்கொள்ளுமாறு அறிவுறுத்தப்பட்டது.

மேலும், மதுவிளக்கு மற்றும் ஆயத்துறை சார்பில் அரியலூர் மாவட்டத்தில் மதுக்குற்ற வழக்குகளிலிருந்து விடுபட்டு, மனம் திருந்திய 49 நபர்களில் 47 நபர்களுக்கு விலையில்லா கறவை மாடுகள் மற்றும் ஒரு நபருக்கு விலையில்லா ஆடு வழங்கும் வகையில் சம்மந்தப்பட்ட கால்நடைகளின் உரிமையாளர்களுக்கு தலா ரூ.30,000 என மொத்தம் ரூ.14.40 இலட்சம் மதிப்பீட்டில் நிதியுதவிக்கான காசோலைகளையும், ஒரு நபருக்கு பெட்டிக்கடை நடத்த ரூ.30,000-க்கான காசோலையினையும் மாவட்ட கலெக்டர் பெ.ரமண சரஸ்வதி வழங்கினார்.

இக்கூட்டத்தில், மாவட்ட வருவாய் அலுவலர் மரு.ம.ச.கலைவாணி, மாவட்ட ஊரக வளர்ச்சித்துறைத் திட்ட இயக்குநர் சு.சுந்தர்ராஜன் மற்றும் அனைத்துத்துறை அரசு அலுவலர்கள் கலந்துகொண்டனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2