ஐபிஎல் 2023-லிருந்து பும்ரா வெளியேற்றமா? மும்பை இந்தியன்ஸ் அதிர்ச்சி

இந்திய கிரிக்கெட் அணியில் வேகப்பந்து வீச்சாளர் ஜஸ்பிரித் பும்ரா ஐபிஎல் 2023-ல் இருந்து வெளியேற்றப்பட்டதாக கிரிக்கெட் வட்டாரங்கள் தெரிவிக்கின்றன.

மும்பை இந்தின்ஸ் அணியின் முக்கிய கிரிக்கெட் வீரர்களில் முக்கியமானவர் ஜஸ்பிரித் பும்ரா. வேகப்பந்து வீச்சாளரான இவர் முதுகுவலி காரணமாக கடந்த ஆண்டு செப்டம்பர் மாதம் முதல் கிரிக்கெட் போட்டிகளில் விளையாடவில்லை. இதனிடையே அவருக்கு முதுகுவலி முழுமையாக குணமடையாததால், மீண்டும் அறுவை சிகிச்சை செய்யப்படலாம் என கூறப்படுகிறது. இதனால் வரும் மார்ச் 31ம் தேதி தொடங்கும் ஐபிஎல் போட்டிகளில் விளையாட மாட்டார் என கூறப்படும் நிலையில், ரோஹித் ஷர்மா தலைமையிலான மும்பை இந்தியன்ஸின் அணிக்கு பெரும் அதிர்ச்சியை அளித்துள்ளது.

கடந்த ஆகஸ்ட் மாதம் முதுகில் ஏற்பட்ட காயத்தால் ஆசியா கோப்பை போட்டியில் இருந்து வெளியேறிய பும்ராவுக்கு இது ஒரு ஏமாற்றமானது. ஆரம்பத்தில் காயம் பெரிதாகத் தெரியாததால், அவர் செப்டம்பரில் இந்தியாவின் டி 20 உலகக் கோப்பை அணியில் இடம் பெற்றார். செப்டம்பர் 23 மற்றும் 25 ஆம் தேதிகளில் ஆஸ்திரேலியாவுக்கு எதிராக கடைசி இரண்டு டி 20 போட்டிகளில் அவர் விளையாடினார்.

மூன்று நாட்களுக்குப் பின், அவருக்கு ஸ்கேன் செய்ய அழைத்துச் செல்லப்பட்டதால் தென்னாப்பிரிக்காவுக்கு எதிரான முதல் டி 20 போட்டியை பும்ரா விளையாடவில்லை. அவருக்கு ஸ்கேன் செய்யப்பட்டதில் காயம் தீவிரமானது என்பதை உறுதிப்படுத்தியது. டி20 உலகக் கோப்பையில் இருந்து அவரை வெளியேற்றியது.

இதனைத்தொடர்ந்து நவம்பரில் பும்ரா மீண்டும் பந்து வீசத் தொடங்கினார். பும்ரா என்சிஏவில் மேட்ச் சிமுலேஷன் பயிற்சிகளில் ஈடுபட்டிருந்தார். ஆனால் ஜனவரி மாதம் உடற்பயிற்சி பயிற்சியின் போது அதிக பணிச்சுமைகளை எடுத்துக் கொண்டதால் மீண்டும் அசௌகரியம் மீண்டும் வெளிப்பட்டது. இதனால் ஆஸ்திரேலியாவுக்கு எதிரான இலங்கை தொடர் மற்றும் பார்டர்-கவாஸ்கர் டிராபி ஆகியவற்றில் இருந்து அவரை நீக்கியிருந்தனர்.

இந்திய அணி நிர்வாகமும் கேப்டன் ரோஹித் சர்மாவும் பும்ரா முழு உடற்தகுதி பெற்ற பின்னரே அணிக்குத் திரும்ப வேண்டும் என்று விரும்புவதால், வேகப்பந்து வீச்சாளரான பும்ரா மீண்டும் அணியில் சேர்க்க வேண்டாம் என்று ரோஹித் எச்சரித்துள்ளார்.