நொய்டா இரட்டைக் கோபுரங்கள் வெடிவைத்து இடிப்பு

நொய்டாவின் செக்டார் 93A இல் உள்ள 100 மீட்டர் உயரமான கட்டடங்கள் கட்டிட விதிமுறைகளை மீறியதாகக் கண்டறிந்து, அவற்றை இடித்துத் தள்ளுமாறு உச்ச நீதிமன்றம் உத்தரவிட்டது.

இதனையடுத்து, ஏறக்குறைய ஒரு வருடத்திற்குப் பிறகு கட்டடம் இடித்து தரைமட்டமாக்கப்பட்டது. கட்டிடங்களை இடிக்கும் பணியில் ஈடுபட்டுள்ள எடிஃபைஸ் இன்ஜினியரிங் நிறுவனம், கோபுரங்களில் 9,400 துளைகளை துளைத்து, 3,500 கிலோ எடையுள்ள வெடிமருந்துகளை நிறுவியது.

பல வாரங்களாக ஆயத்தப்பணிகள் நடைபெற்றன. அருகிலுள்ள கட்டடங்களைப் பாதுகாப்பதற்கும், இடிபாடுகளினாள் ஏற்படும் சேதங்களைக் குறைப்பதற்கும் விரிவான பாதுகாப்பு நடவடிக்கைகள் மேற்கொள்ளப்பட்டன.

இடிப்பதற்கு குறிக்கப்பட்ட தேதியான ஆகஸ்ட் 28 இன்று, எமரால்டு கோர்ட் மற்றும் ஏடிஎஸ் வில்லேஜ் ஆகிய கட்டடங்களை ஒட்டிய இரண்டு வீட்டு வசதி சங்கங்களில் வசிக்கும் சுமார் 5,000 பேர் தங்கள் வீடுகளை காலி செய்தனர்.

பிற்பகல் 2:30 மணியளவில், வெடிப்பு பொத்தானை அழுத்தி, வெடிப்பு நீர்வீழ்ச்சி நுட்பத்தைப் பயன்படுத்தி இரட்டை கோபுரங்கள் இடிந்து விழுந்தன. குண்டுவெடிப்பால் கிளம்பிய ஒரு பிரமாண்டமான தூசி மேகம் வானுயர எழுந்தது.

கட்டடத்தை இடித்ததால் சுமார் 80,000 டன் குப்பைகள் சேர்ந்தன. அவை அடுத்த மூன்று மாதங்களில் படிப்படியாக அகற்றப்படும் என்று அதிகாரிகள் தெரிவித்தனர்.