Begin typing your search above and press return to search.
பல்லடம் அருகே மாடியில் இருந்து தவறி விழுந்து தொழிலாளி பலி
திருப்பூர் மாவட்டம், பல்லடம் அருகே மாடியில் இருந்து தவறி விழுந்து தொழிலாளி பலியானார்.
HIGHLIGHTS
திருப்பூர் மாவட்டம், பல்லடம் அருகே அண்ணா நகர், முதல் தெருவை சேர்ந்தவர் தண்டபாணி,62. தச்சு தொழிலாளி. இவர், பல்லடம் அருகே உள்ள க. அய்யம்பாளையம் பகுதியில் ஒருவரின் வீட்டில் தச்சு வேலை செய்து வந்தார்.
இந்நிலையில், வீட்டின் மாடியில் உள்ள அறைக்கு கதவு பொருத்துவதற்காக, கதவை தூக்கிக்கொண்டு படிக்கட்டில் ஏறிச் சென்றார். அப்போது, தவறி கீழே விழுந்தார். இதில், அவருக்கு தலை மற்றும் உடலில் பலத்த காயங்கள் ஏற்பட்டன. அருகில் இருந்தவர்கள் அவரை மீட்டு, பல்லடம் அரசு மருத்துவமனைக்கு சிகிச்சைக்கு அழைத்து சென்றனர்.
அங்கு பரிசோதித்த டாக்டர்கள், அவர் ஏற்கனவே இறந்து விட்டதாக தெரிவித்தனர். இது குறித்து, பல்லடம் போலீஸார் விசாரிக்கின்றனர்.
