பஸ்களில் கட்டணம் இல்லை என ஸ்டிக்கர் ஒட்டியதால் மகளிர் மகிழ்ச்சி

தமிழக முதல்வர் மு.க.ஸ்டாலின் கையெழுத்திட்ட 5 கோப்புகளில் முதலில் கையெழுத்திட்டார் மு.க.ஸ்டாலின். இதில் முக்கிய சிறப்பு அம்சமாக தமிழகம் முழுவதும் உள்ள அரசு போக்குவரத்துக்கு கழக கட்டுப்பாட்டில் இயங்கும் சாதாரண கட்டண நகரப் பேருந்துகளில் பயணம் செய்யும் பணிபுரியும் மகளிர், உயர்கல்வி பயிலும் மாணவியர் உள்ளிட்ட அனைத்து மகளிரும் கட்டணமில்லாமலும், பேருந்து பயண அட்டை இல்லாமலும் இன்று முதல் இலவசமாக பயணிக்கலாம் என்று தமிழக அரசு அறிவிப்பு வெளியிட்டிருந்தது.

இதனைத் தொடர்ந்து திருவாரூர் மாவட்டத்திலுள்ள நகரப் பேருந்துகளில் நடைமுறைக்கு வந்தது. திருவாரூர் மாவட்டத்தில் மொத்தமுள்ள 201 அரசு பேருந்துகளில் 35 நகரப் பேருந்துகளில் இயங்குகின்றன

இதில் நகரப் பேருந்துகளில் பயணிக்க பெண்களுக்கு இன்று காலை முதல் நடைமுறைக்கு வந்ததை அடுத்து பெண்கள் ஆர்வமுடன் பயணித்து வருகின்றனர். இந்த பேருந்துகளில், "மகளிர் பயணம் செய்ய கட்டணமில்லை" என்ற ஸ்டிக்கர் ஒட்டப்பட்டுள்ளது