வாக்காளர் சுருக்க முறை திருத்தப் பணிகளை சிறப்பு பார்வையாளர் ஆய்வு

1.1.2022 ம் நாளை தகுதி நாளாகக் கொண்டு அரியலூர் மற்றும் ஜெயங்கொண்டம் சட்டப் பேரவைத் தொகுதிகளுக்கு உட்பட்ட பகுதிகளில் கடந்த 2 தினங்களாக வாக்காளர் சிறப்பு திருத்த முகாம்கள் நடைபெற்றது. அரியலூர் நிர்மலா பெண்கள் மேல்நிலைப் பள்ளி, அரசினர் தொழிற் பயிற்சி நிலையம் உள்ளிட்ட முகாம்களில் நடைபெற்ற வாக்காளர் சிறப்பு சுருக்க முறை திருத்தப் பணிகளை வாக்காளர் பட்டியல் சிறப்பு பார்வையாளர் ப.மகேஸ்வரி ஆய்வு செய்தார்.

வாக்காளர் பட்டியல் குறித்து அனைத்து விதமான சந்தேகங்களுக்கு ஆட்சியர் அலுவலகத்தில் இயங்கி வரும் வாக்காளர் உதவி மைய கட்டணமில்லா தொலைபேசி எண்.1950-ஐ தொடர்பு கொள்ளலாம். மேலும், 044-25674302 என்ற தொலைப் பேசியிலும், 9445252243 என்ற செல்போன் எண்ணிலும், er22maptk@gmail.com என்ற மின்னஞ்சல் முகவரியிலும் தெரிவிக்கலாம் என்றார்.

தொடர்ந்து வாக்காளர் பட்டியல் சிறப்பு பார்வையாளர் ப.மகேஸ்வரி, ஆட்சியர் அலுவலகத்தில் நடைபெற்ற ஆய்வுக் கூட்டத்தில் கலந்து கொண்டு பேசினார். இந்த இரு நிகழ்வின் போது மாவட்ட கலெக்டர் பெ.ரமணசரஸ்வதி, மாவட்ட வருவாய் அலுவலர் ரா.ஜெய்னுலாப்தீன், கோட்டாட்சியர்கள் அரியலூர் ஏழுமலை, உடையார்பாளையம் அமர்நாத், தேர்தல் வட்டாட்சியர்கள் ஸ்ரீதர் (தேர்தல்), அரியலூர் ராஜமூர்த்தி, ஜெயங்கொண்டம் ஆனந்தன், ஆண்டிமடம் முத்துகிருஷ்ணன் ஆகியோர் உடனிருந்தனர்.