ஐபிசி 143 என்ற பிரிவு, இந்திய சட்டத்தில் எதை வலியுறுத்துகிறது? தெரிஞ்சுக்கங்க..!

IPC 143 in Tamil -ஐபிசி 143 என்பது இந்திய தண்டனைச் சட்டம் பிரிவு 143 ஐக் குறிக்கிறது. இது சட்டவிரோதமாக ஒன்றுகூடுவது தொடர்பானது. ஐபிசி 143 பற்றிய விளக்கங்களை இந்த செய்தியில் காணலாம்.

வரையறை:

சட்டத்திற்குப் புறம்பாக ஒன்றுகூடுவதை இந்த பிரிவு வரையறுக்கிறது,. அவ்வாறு ஒன்று கூடுபவர்கள் ஒரு குற்றத்தைச் செய்ய வேண்டும் என்ற பொதுவான நோக்கத்துடன் ஐந்து அல்லது அதற்கு மேற்பட்டவர்களின் கூட்டம் அல்லது குழுவாக சேர்ந்து செய்த ஒரு குற்றச் செயலாக இருக்கலாம்.

தண்டனை:

சட்டத்திற்குப் புறம்பாக கூட்டமாக ஒன்றுகூடி செய்யும் குற்றங்களுக்கு ஆறு மாதங்கள் வரை சிறைத்தண்டனை, அல்லது அபராதம் அல்லது இரண்டும் விதிக்கப்படலாம். கூட்டமாக சேர்ந்து ஏற்படுத்திய காயம், சேதம் அல்லது வன்முறையை ஏற்படுத்தினால், இரண்டு ஆண்டுகள் வரை சிறைத்தண்டனை விதிக்கப்படலாம்.

அறியக்கூடிய குற்றம்:

இது அறியக்கூடிய மற்றும் ஜாமீன் பெறக்கூடிய குற்றமாகும். அதாவது காவல்துறை வாரண்ட் இல்லாமல் கைது செய்யலாம். மேலும் குற்றம் சாட்டப்பட்டவர் ஜாமீனுக்கு விண்ணப்பிக்கலாம்.

விதிவிலக்குகள்:

பொது அதிகாரத்தின் எந்தவொரு நடவடிக்கை அல்லது அரசாங்கத்தின் முடிவுக்கு எதிராக எதிர்ப்பு தெரிவிக்க அல்லது மனு அளிக்கும் நோக்கத்தில் கூடும் கூட்டம் போன்றவைகளை மேற்கொள்ள மக்களுக்கு உரிமை உள்ளது. அதனால் நியாயமான தீர்வுகளுக்கு கூடும் கூட்டத்திற்கு இந்த சட்டப் பிரிவு பொருந்தாது.

ஐபிசி 143 என்பது இந்திய தண்டனைச் சட்டத்தின் பிற தொடர்புடைய பிரிவுகளான 144 (கொடிய ஆயுதங்களுடன் சட்டவிரோதமாக ஒன்றுகூடுவது) மற்றும் 145 (சட்டவிரோதமாக ஒன்றுகூடுவது தொடர்வது) போன்றவற்றுடன் தொடர்புடையது என்பதைக் கவனத்தில் கொள்ள வேண்டும்.

ஐபிசி 143 க்கு ஜாமீன் கிடைக்குமா?

அதிகபட்ச தண்டனையாக மூன்று ஆண்டுகள் சிறைத்தண்டனை அல்லது ரூ.10,000 அபராதத்துடன் இந்த குற்றத்திற்கு ஜாமீன் கிடைக்கும். அல்லது இரண்டும் சேர்ந்தே விடிக்கப்படலாம். அதே குற்றத்தை மீண்டும் மீண்டும், செய்து, சிறப்பு நீதிமன்றத்தில் சில சாத்தியமான விளக்கம் அளிக்கப்பட்டால், தண்டனையை இரண்டு மாத சிறைத் தண்டனையாகக் குறைக்கலாம்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2