'கழகத்தலைவன்' கதாநாயகியாக நடிகை நிதி அகர்வால்..!

Nidhi Agarwal Back-நடிகை நிதி அகர்வால் 'முன்னா மைக்கேல்' எனும் இந்தி படத்தின் மூலம் திரையுலகில் தனது அறிமுகக் கணக்கைத் தொடங்கியவர், தமிழ்த் திரையுலகில் 'ஈஸ்வரன்' படத்தில் நடிகர் சிலம்பரசனுக்கு நாயகியாக தமிழில் தடம் பதித்தார் நிதி அகர்வால்.

'ஈஸ்வரன்' படம் வசூல் ரீதியாக தோல்வி என சொல்லப்பட்டாலும், இந்தப் படம் நிதி அகர்வாலுக்கு நல்லதொரு பெயரை நல்கியது. அப்படத்தில் இடம்பெற்ற 'மாங்கல்யம் தந்துனானே…' பாடல் பட்டி தொட்டி எங்கும் பட்டையைக் கிளப்பியது. இதனால் நிதி அகர்வால் தமிழ் ரசிகர்களின் நெஞ்சாங்கூட்டுக்குள் சில்லென்று இடம் பிடித்தார்.

இந்தநிலையில் நடிகை நிதி அகர்வால், தற்போது இயக்குநர் மகிழ் திருமேனி இயக்கத்தில் உருவாக உள்ள 'கழகத்தலைவன்' படத்தில் உதயநிதி ஸ்டாலினுக்கு நாயகியாக கமிட் ஆகியுள்ளார். மேலும், தெலுங்கில், 'ஹரிஹர வீர மல்லு' என்ற படத்தில் நடித்து வருகிறார். இணையத்தில் ஆக்டிவாக இருக்கும் நடிகை நிதி அகர்வால் இன்ஸ்டாகிராமில் நேரலையில் ரசிகர்களின் கேள்விக்கு பதிலளித்துள்ளார்.

அதில், உடற்பயிற்சி செய்வது தனக்கு மிகவும் பிடிக்கும், அதேபோல, யோகா செய்வது பிடிக்கும் அதில் இன்டெர்ஸ்டேட் சாம்பியன் என்றும் கூறியுள்ளார். இதையடுத்து ஒரு ரசிகர் நீங்கள் நடிகை ஆகவில்லை என்றால் என்ன செய்திருப்பீர்கள் என எழுப்பிய கேள்விக்கு, ''நான் நடிகையாகவில்லை என்றால், பேஷன் டிசைனிங் படித்துவிட்டு பேஷன் பிராண்ட் தொடங்கி இருப்பேன், என்னுடைய குடும்பத்தினர் பிஸ்னஸ் செய்து வருவதால், நானும் கண்டிப்பாக என்னுடைய தொழிலை செய்திருப்பேன்'' அதிரடி பதிலளித்து அசத்தியுள்ளார் நடிகை நிதி அகர்வால்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2