கொங்கன் மா வரத்து சரிவு; மாம்பழ பிரியா்கள் ஏமாற்றம்

mango prices 2023, why are mangoes so expensive this year, mango price per kg, 40-50% decline in the harvest of Konkan mango crops, mango production, mango cultivation- கொங்கன் பகுதியில் பருவமழை இல்லாததால் மா சாகுபடி பாதிக்கப்பட்டுள்ளது. கடந்த மூன்று ஆண்டுகளில் ஹாபுஸ் உள்ளிட்ட கொங்கன் மா பயிர்களின் அறுவடையில் 40-50 சதவீதம் சரிவு ஏற்பட்டுள்ளது. இதனால், நடப்பாண்டில் மாம்பழ வரத்து சரிவடைந்து காணப்படுகிறது.

திடீர் சீதோஷ்ண நிலை மாற்றம் மற்றும் பூச்சி தாக்குதல்களால் கொங்கன் உற்பத்தியில் மகசூல் வெகுவாக குறைந்துள்ளதால், இந்த சீசனில் மாம்பழங்களின் விலை உயரக்கூடும். கொங்கன் உற்பத்தி மந்தமாக இருப்பதால் இந்த சீசனில் மாம்பழங்கள் விலை உயரக்கூடும் என்று எதிர்பார்க்கப்படுகிறது.

மே 2 ம் தேதி தானேயில் நடைபெறும் மாம்பழத் திருவிழாவிற்கு முன்னதாக, பாஜக எம்எல்ஏ சஞ்சய் கேல்கர், ராய்காட், ரத்னகிரி மற்றும் சிந்துதுர்க் ஆகிய பகுதிகளைச் சேர்ந்த மற்ற பயிரிடுபவர்களுடன் செய்தியாளர்களிடம் பேசுகையில், இந்த சிக்கலை முன்னிலைப்படுத்தினார்.2020 ம் ஆண்டில், கிட்டத்தட்ட 3.2 லட்சம் டன் மாம்பழம் அறுவடை செய்யப்பட்டது என்று கேல்கர் கூறினார். மேலும் கடந்த ஆண்டு 1.2 லட்சம் டன்னாக மட்டுமே குறைந்துள்ளது.

வானிலையில் ஏற்படும் மாற்றங்கள், பருவமில்லாத மழை, வெப்ப அலைகள் மற்றும் கரிமப் பண்ணைகளில் பூச்சிகளின் தாக்குதல்கள் ஆகியவை மாம்பழ உற்பத்தியில் சரிவுக்குக் காரணம் என்று கேல்கர் தெரிவித்தார். கடந்த ஆண்டு கொங்கனில் இருந்து 70,000 பெட்டிகள் வந்ததாகவும், இந்த ஆண்டு 18,000 ஆக குறைந்துள்ளதாகவும் மாம்பழ வியாபாரி ஒருவர் தெரிவித்தார்.

தனித்தனியாக, அலிராஜ்பூர் மாவட்டத்தில் 8 பழம் தரும் மரங்கள் மட்டுமே எஞ்சியிருப்பதால், மத்தியப் பிரதேசத்தின் 'நூர்ஜஹான்' மாம்பழங்கள் பொலிவை இழந்துள்ளன. சில ஆண்டுகளுக்கு முன்பு, இந்த மாம்பழத்தின் பழம் 4.5 கிலோ வரை எடையுள்ளதாக இருந்தது, ஆனால் அது இப்போது சுமார் 3.5 கிலோவாக குறைந்துள்ளது.

முக்கனிகளில் ஒன்றான மாம்பழம், பலருக்கும் பிடித்தமான சுவை கொண்டது. சிறியவர் முதல் பெரியவர் வரை அனைவரும் விரும்பி சாப்பிடும் பழங்களில் மிக முக்கியமானதாக மாம்பழம் உள்ளது. மாம்பழ சீசன் வந்துவிட்டாலே, கிலோக்கணக்கில் மாம்பழங்களை வீடுகளுக்கு வாங்கிச் செல்வது பலரது வழக்கம். மாங்காய், மாம்பழம் என இரு விதங்களிலும் அதன் சுவை, பலருக்கும் பிடித்தமானதாக இருக்கிறது. இந்நிலையில், நடப்பாண்டில் கொங்கன், ஹாபுஸ் மாம்பழ வகைகளின் வரத்து குறைந்திருப்பது, மாம்பழ பிரியர்களை கவலையடைய செய்துள்ளது. மேலும், வரும் நாட்களில் இதன் விலையும் அதிகரிக்க கூடும் என அஞ்சப்படுகிறது.