/* */

இங்கிலாந்தின் புதிய பிரதமர் ரிஷி சுனக்

ரிஷி சுனக் முதல் இந்திய வம்சாவளி இங்கிலாந்து பிரதமர் ஆவார்

HIGHLIGHTS

இங்கிலாந்தின் புதிய பிரதமர் ரிஷி சுனக்
X

ரிஷி சுனக்;

பென்னி மோர்டான்ட் பந்தயத்தில் இருந்து வெளியேறியதால், ரிஷி சுனக் புதிய இங்கிலாந்து பிரதமராகிறார். ரிஷி சுனக் முதல் இந்திய வம்சாவளி இங்கிலாந்து பிரதமர் ஆவார்

முன்னாள் பிரதமர் போரிஸ் ஜான்சன் ஞாயிற்றுக்கிழமை ஆச்சரியமான முறையில் தலைமைப் போட்டியிலிருந்து விலகியதை அடுத்து, இங்கிலாந்தின் முதல் இந்திய வம்சாவளி பிரதமரானார் ரிஷி சுனக். பிரிட்டிஷ் கன்சர்வேடிவ் தலைவர் பென்னி மோர்டான்ட்டும் இன்று 10 டவுனிங் ஸ்ட்ரீட்டிற்கான பந்தயத்தில் இருந்து விலகி, சுனக் அடுத்த பிரதம மந்திரி ஆவதற்கு வழி செய்தார்.

இங்கிலாந்து பிரதமராக கடந்த மாதம் 5-ந்தேதி லிஸ் டிரஸ் பொறுப்பேற்று கொண்டார். டிரஸ்சுக்கு அடுத்தடுத்து நெருக்கடிகள் ஏற்பட்டன. இதனால், கடந்த 20-ந்தேதி லிஸ் டிரஸ் பிரதமர் பதவியில் இருந்து விலகினார்.

இதனையடுத்து, ஆளும் கன்சர்வேடிவ் கட்சியின் புதிய தலைவரை (பிரதமர்) தேர்ந்தெடுக்கும் நடைமுறைகள் தொடங்கின. இந்த போட்டியில், முன்னாள் பிரதமர் போரிஸ் ஜான்சன், முன்னாள் நிதி மந்திரியான இந்திய வம்சாவளி ரிஷி சுனக் ஆகியோர் இருந்தனர். நாடாளுமன்ற மக்கள் சபையின் தலைவர் பென்னி மார்டண்ட் (வயது 49) போட்டியிடுவதாக அறிவித்து பிரச்சாரத்தில் குதித்தார்

வேட்பு மனு தாக்கல் செய்வதற்கு சில மணிநேரம் இருக்கும்போது, போட்டியில் இருந்து விலகும் முடிவை போரிஸ் ஜான்சன் வெளியிட்டார். ரிஷி சுனக்கிற்கு நாடாளுமன்றத்தில் 142 எம்.பி.க்களின் ஆதரவு உள்ளது.பென்னி மார்டண்ட் 100 எம்.பிக்கள் ஆதரவை இன்னும் பெற முடியவில்லை

பென்னி மார்டண்ட்டிற்கு 100 எம்.பிக்கள் ஆதரவு கிடைக்காததால் அவர் பிரதமர் போட்டிக்கு தகுதி பெற முடியவில்லை. இதனால், இங்கிலாந்து வரலாற்றில் முதன்முறையாக இந்திய வம்சாவளியை சேர்ந்த ரிஷி சுனக் இங்கிலாந்து பிரதமர் ஆக போட்டியின்றி தேர்வானார்.

பிரிட்டனின் உயர்மட்ட பதவிக்கு பொறுப்பேற்கும் முதல் இந்திய வம்சாவளி தலைவர் ரிஷி சுனக் ஆவார். 42 வயதான இவர் இன்ஃபோசிஸ் இணை நிறுவனர் நாராயண மூர்த்தியின் மருமகன் ஆவார்.

ரிஷி சுனக் முதன்முதலில் 2015 இல் ரிச்மண்ட் (யார்க்ஸ்) தொகுதியில் இருந்து பாராளுமன்ற உறுப்பினராகத் தேர்ந்தெடுக்கப்பட்டார்

தற்காலிக பிரதமர் லிஸ் டிரஸ் மற்றும் ரிஷி சுனக் ஆகியோர் நாளை பக்கிங்ஹாம் அரண்மனையில் மன்னர் சார்லஸை சந்திக்க உள்ளனர். டிரஸ் தனது ராஜினாமாவை முறையாக அளிக்க உள்ளார்.

ஆறு ஆண்டுகளில் இங்கிலாந்தின் 5வது பிரதமராக சுனக் பதவியேற்கவுள்ளார்

Updated On: 29 Oct 2022 5:06 AM GMT

Related News

Latest News

  1. சினிமா
    ஹாட்ஸ்பாட் படம் எப்படி இருக்கு?
  2. அவினாசி
    கருவலூா் மாரியம்மன் கோவில் தேரோட்டம்; பக்தா்கள் பரவசம்
  3. திருப்பூர்
    ஆசிரியா்களுக்கு அவா்கள் வசிக்கும் பகுதிகளில் தோ்தல் பணி வழங்க ...
  4. திருப்பூர்
    ஆனைமலையாறு - நல்லாறு திட்டத்தை நிறைவேற்ற வலியுறுத்தல்
  5. திருப்பூர்
    திருப்பூா் மக்களவைத் தொகுதிக்கு தோ்தல் பாா்வையாளா்கள் நியமனம்
  6. அரசியல்
    பெரம்பலூர் தொகுதி திமுக வேட்பாளர் அருண்நேரு பிரச்சாரம் நாளை எங்கு?
  7. திருச்சிராப்பள்ளி மாநகர்
    திருச்சியில் வெப்பநிலை உயர்வால் ஆபத்து: மாவட்ட ஆட்சியர் எச்சரிக்கை
  8. சினிமா
    கா படம் எப்படி இருக்கு?
  9. மதுரை
    ஐந்து ஆண்டுகளில் 10 மடங்கு உயர்ந்த மார்க்சிஸ்ட் வேட்பாளர் வெங்கடேசனின்...
  10. சிதம்பரம்
    குண்டுமணி தங்கம் கிடையாதாம்: திருமாவளவன் பிரமாண பத்திரத்தில் தகவல்