உண்டியலில் காசு போட்டு உலக சாதனை படைத்த நாய்

நாய்களுக்கு தந்திரங்களை கற்றுக்கொடுப்பது என்பது எளிதான காரியம் அல்ல , குறிப்பாக சிறிய நாணயங்களை எடுத்து உண்டியலில் வைப்பது இதில் அடங்கும். இருப்பினும், ஸ்காட்லாந்தைச் சேர்ந்த 4 வயது காக்கர் ஸ்பானியல் லியோ என்ற நாய், ஒரு நிமிடத்தில் 23 நாணயங்களை உண்டியலில் போட முடிந்தது. இதன் மூலம், "ஒரு நிமிடத்தில் ஒரு நாய் உண்டியலில் அதிக நாணயங்களை டெபாசிட் செய்ததற்காக" கின்னஸ் உலக சாதனையை படைத்தது .

லியோவின் சாதனை முயற்சி பிப்ரவரி 24, 2023 அன்று ஸ்காட்லாந்தில் உள்ள பிட்கேப்பில் உள்ள லோகி டர்னோ வில்லேஜ் ஹாலில் நடைபெற்ற பொது நிகழ்வில் நடந்தது, ஆனால் அதற்கான சான்றிதழை ஜூன் 3 அன்று தான் அளித்தனர்.

இன்ஸ்டாகிராம் பதிவில், லியோவின் உரிமையாளர் எமிலி ஆண்டர்சன் ஜிடபிள்யூஆர் சான்றிதழுடன் லியோவின் படத்தைப் பகிர்ந்துகொண்டு எழுதினார்: “லியோவுக்கு சில சிறப்புச் செய்திகள் உள்ளன. இப்போது அது அதிகாரப்பூர்வமாக கின்னஸ் சாதனை படைத்துள்ளது. லியோ 1 நிமிடத்தில் 23 10 பென்னி நாணயங்களை தனது உண்டியலில் போட முடிந்தது! இதைச் செய்ய உதவிய அனைவருக்கும் நன்றி. இந்த சாதனைக்கு - மிகப்பெரிய அளவிலான ஆவணங்கள் மற்றும் சான்றுகள் தேவைப்பட்டது என கூறியுள்ளார்

இந்த இடுகை 3,000 க்கும் மேற்பட்ட லைக்குகளை பெற்றுள்ளது. இது குறித்து ஒரு இன்ஸ்டாகிராம் பயனர் தனது பதிவில், : “ஆஹா!! அதுவே வேகம்! லியோ பட்டையை கிளப்பியது! வாழ்த்துகள்! ” என பதிவிட்டுள்ளார்

மற்றொரு நபர், “இருவருக்குமான உறவு ஒன்றாகவும் வேடிக்கையாகவும் இருப்பதற்கு வாழ்த்துக்கள். உலக சாதனை என்பது அதனுடன் ஒரு சேர்க்கை மட்டுமே ” என கூறியுள்ளார்

மற்றொரு பயனர் "வாழ்த்துகள், அழகா; நான் அவற்றை விழுங்குவேன்; நாணயங்களை சாப்பிடாததற்காக நீங்கள் மிகவும் நல்ல பையன், லியோ," என்று கருத்து தெரிவித்தார்.

அபெர்டீன் லைவ் உடனான உரையாடலில், ஆண்டர்சன் லியோவிற்கு உண்டியல் தந்திரத்தை கற்றுத்தர இரண்டு ஆண்டுகள் பயிற்சி அளித்ததாகக் கூறினார். "நான் அதனிடம் அதிகம் கேட்காமல் இருப்பதை உறுதிசெய்தேன், லியோ அதை ரசித்ததை உறுதிசெய்யவும், அதனை கட்டாயப்படுத்தாமல் இருக்கவும் நான் விரும்பினேன். நான் நாணயங்களை வைத்திருப்பேன், அதற்கு அருகில் ஒரு நாணயத்தை கீழே வைப்பேன், அதை எடுத்து உண்டியலில் போடும், ”என்று அவர் கூறினார்