விழுப்புரம் - கரக்பூா், புரூலியா ரயில்கள் ரத்து

ஒடிஸா மாநிலத்தின் ராணிடல் ரயில் நிலையத்துடன் தொடா்புடைய நாராயங்கராக் - பத்ராக் இடையே மூன்றாவது ரயில் பாதை அமைக்கும் பணி நடைபெறவுள்ளதால், விழுப்புரம் - கரக்பூா், புரூலியா இடையேயான ரயில்கள் ரத்து செய்யப்பட்டன.

இதுகுறித்து தெற்கு ரயில்வேயின் திருச்சி கோட்ட மக்கள் தொடா்பு அலுவலகம் வெளியிட்ட செய்திக்குறிப்பில், ஒடிஸா மாநிலத்தின் ராணிடல் ரயில் நிலையத்துடன் தொடா்புடைய நாராயங்கராக் - பத்ராக் இடையே மூன்றாவது ரயில் பாதை அமைக்கும் பணி நடைபெறுவதன் காரணமாக, விழுப்புரத்திலிருந்து கரக்பூருக்கு செல்லும் விரைவு ரயில் (வண்டி எண்: 22604) பிப்ரவரி 28 -ஆம் தேதியும், மறு வழித்தடத்தில் கரக்பூரிலிருந்து விழுப்புரத்துக்கு வரும் விரைவு ரயில் (வண்டி எண்: 22663) மாா்ச் 2-ஆம் தேதியும் ரத்து செய்யப்பட்டுள்ளன.

இதேபோல, விழுப்புரத்திலிருந்து புரூலியாவுக்கு செல்லும் விரைவு ரயில் (வண்டி எண் : 22606) மாா்ச் 4-ஆம் தேதியும், மறு வழித்தடத்தில் புரூலியாவிலிருந்து விழுப்புரம் வரும் விரைவு ரயில் (வண்டி எண்: 22605) மாா்ச் 6-ஆம் தேதியும் ரத்து செய்யப்பட்டுள்ளன எனத் தெரிவிக்கப்பட்டுள்ளது.

இந்த இரு ரயில்களும் திருவண்ணாமலை மற்றும் வேலூர், காட்பாடியில் நின்று செல்லும். விழுப்புரத்தில் இருந்து திருவண்ணாமலைக்கு வருபவர்களும் வேலூர் காட்பாடிக்கு செல்பவர்களும் ஏராளமானோர் இந்த ரயிலில் செல்வது வழக்கம்.