பி.சி எம்பிசி மாணவர்களுக்கு உதவித்தொகை: மாவட்ட ஆட்சியர் தகவல்

திருவண்ணாமலை மாவட்டத்தில் உயர்கல்வி படிக்கும் பிற்படுத்தப்பட்ட சமூகத்தை சேர்ந்த மாணவர்களுக்கு கல்வி உதவித்தொகை வழங்கப்படுகிறது மத்திய அரசு கல்வி நிறுவனங்களான ஐஐடி, ஐஐஎம் ஐஐடி, மற்றும் மத்திய பல்கலைக்கழகங்களில் படிக்கும் தமிழகத்தை சேர்ந்த பிற்படுத்தப்பட்டோர், மிகப்பிற்படுத்தப்பட்டோர் மற்றும் சீர் மரபினர் இன மாணவ மாணவிகளுக்கு நடப்பு கல்வி ஆண்டுக்கான கல்வி உதவித்தொகை வழங்கப்படுகிறது.

தகுதியுள்ள மாணவர்களுக்கு ஆண்டுக்கு ரூபாய் 2 லட்சம் வரை கல்வி உதவி தொகையை தமிழக அரசு வழங்குகிறது. இந்த உதவி தொகையை பெற ஆண்டு வருமானம் ரூபாய் இரண்டு லட்சத்துக்குள் இருக்க வேண்டும். 2021-22 ஆண்டில் புதியதாக விண்ணப்பிக்க விரும்பும் மாணவர்கள் இணையதளம் அல்லது கலெக்டர் அலுவலகத்தில் உள்ள மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலரை தொடர்பு கொண்டு விண்ணப்பிக்கலாம்.

மேலும் கல்வி உதவித்தொகை விண்ணப்பத்தினை மாணவர்கள் பூர்த்தி செய்து சம்பந்தப்பட்ட கல்வி நிறுவனத்தில் சமர்ப்பிக்க வேண்டும் கல்வி நிறுவனங்கள் தங்களது ஒப்புதலுடன் தகுதியான விண்ணப்பங்களை பரிந்துரை செய்து பிற்படுத்தப்பட்டோர் நல இயக்குநர் அலுவலகத்திற்கு மின்னஞ்சல் மூலம் வரும் நவம்பர் 30ஆம் தேதிக்குள் அனுப்ப வேண்டும் என திருவண்ணாமலை மாவட்ட ஆட்சியர் முருகேஷ் தெரிவித்துள்ளார்