/* */

புதுப்பாளையம் ஒன்றியத்தில் மாவட்ட ஆட்சியர் நேரில் ஆய்வு

திருவண்ணாமலை மாவட்டம் புதுப்பாளையம் ஊராட்சி ஒன்றியத்தில் வளர்ச்சி பணிகளை மாவட்ட ஆட்சித்தலைவர் நேரில் ஆய்வு செய்தார்.

HIGHLIGHTS

புதுப்பாளையம் ஒன்றியத்தில் மாவட்ட ஆட்சியர் நேரில் ஆய்வு
X

விவசாயி பெருமாளிடம் வசதிகள் குறித்து விசாரித்த மாவட்ட ஆட்சியர்.

திருவண்ணாமலை மாவட்டம், புதுப்பாளையம் ஊராட்சி ஒன்றியத்தில் ரூ. 2.19 கொடி மதிப்பீட்டில் மேற்கொள்ளப்பட்டு வரும் பல்வேறு வளர்ச்சித் திட்டப் பணிகளை மாவட்ட ஆட்சித் தலைவர் முருகேஷ், பார்வையிட்டு ஆய்வு மேற்கொண்டார்.

புதுப்பாளையம் ஊராட்சி ஒன்றியம் காஞ்சி ஊராட்சி காமராஜர் நகரில் 183 வீடுகளுக்கு ரூபாய் 8.50 லட்சம் மதிப்பீட்டில் தனிநபர் இல்லங்களுக்கு குடிநீர் குழாய் இணைப்புகள் வழங்கும் பணிகள் நடைபெற்று வருவதை நேரில் பார்வையிட்டு ஆய்வு செய்தார்.

இதனைத்தொடர்ந்து, நாகாபாடி கிராமத்தில் தூய்மை பாரத இயக்கத்தின் தனிநபர் இல்ல கழிப்பறை திட்டத்தின் கீழ் கழிப்பறை கட்டும் பணிகளை பார்வையிட்டார். பின்னர், வீரனந்தால் கிராமத்தில் தனது 2.70 ஏக்கர் சொந்த நிலத்தில் வேர்க் கடலை, கரும்பு உள்ளிட்ட விவசாயம் செய்து வரும் விவசாயி பெருமாள் என்பவரிடம் மாவட்ட ஆட்சியர் பேசும்போது சிறு குறு விவசாயி சான்று மற்றும் பாரத பிரதமரின் கிசான் திட்டம் வழங்கப்படுவது குறித்து கேட்டறிந்தார்.

அப்போது அந்த விவசாயி தனக்கு எந்த சான்றும் இல்லை எவ்வித பயனும் தான் பெறவில்லை என தெரிவித்தார். உடனடியாக மாவட்ட ஆட்சியர் சம்பந்தப்பட்ட துறை அலுவலரிடம் விவசாயி பெருமாளுக்கு சிறு குறு விவசாயி சான்றிதழ் வழங்குவதற்கும் பாரத பிரதமரின் கிசான் திட்டத்தின் மூலம் வருடத்திற்கு ரூ. 6000 கிடைப்பதற்கும் நடவடிக்கை மேற்கொள்ள உத்தரவிட்டார்.

ஆய்வின்போது, கூடுதல் ஆட்சியர் பிரதாப், செயற்பொறியாளர்கள், வட்டார வளர்ச்சி அலுவலர்கள், உதவி பொறியாளர்கள், ஊராட்சி மன்றத் தலைவர்கள் மற்றும் அரசு அலுவலர்கள் உடனிருந்தனர்.

Updated On: 24 July 2021 4:09 PM GMT

Related News

Latest News

  1. தமிழ்நாடு
    பொன்னியின் செல்வன் நாவலில் வரும் கதாபாத்திரங்கள்
  2. லைஃப்ஸ்டைல்
    கிரஷ் என்பதும் காதல் என்பதும் ஒன்றா? அல்லது இரண்டிற்கும் வித்தியாசம்...
  3. டாக்டர் சார்
    மன அழுத்தம் மொத்த நோய்களுக்கும் வித்திடும்..!
  4. வீடியோ
    🔴LIVE : காங்கிரஸ் மாநில தலைவர் செல்வப்பெருந்தகை செய்தியாளர்கள்...
  5. வீடியோ
    Setting Game விளையாடும் திமுக, அதிமுக குற்றச்சாட்டும் Annamalai...
  6. மதுரை மாநகர்
    மதுரையில், மார்க்சிஸ்ட் கம்யூனிஸ்ட் கட்சி வேட்பாளருக்கு, அமைச்சர்...
  7. ஈரோடு
    பெருந்துறை கொங்கு பொறியியல் கல்லூரியில் 40வது ஆண்டு விழா
  8. திருப்பரங்குன்றம்
    சோழவந்தானில் நெல் கொள்முதல் நிலையம் செயல்பட விவசாயிகள் கோரிக்கை..!
  9. கல்வி
    ஒரு நாட்டுக்கு கஜானாவை விட உயர்ந்தது எது? அசந்து போவீங்க..!
  10. ஈரோடு
    மாற்றுத்திறனாளிகள் வாக்களிக்க வசதிகள்: ஈரோடு மாவட்ட தேர்தல் அலுவலர்...