தொடக்க வேளாண்மை கூட்டுறவு கடன் சங்கம் கலைப்பு

தேவிகாபுரம் தொடக்க வேளாண்மை கூட்டுறவு கடன் சங்கத்தில் முறைகேடு நடந்ததால் கலைக்கப்பட்டு சங்க செயலாளர் பணியிடை நீக்கம் செய்யப்பட்டார்

HIGHLIGHTS

  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
தொடக்க வேளாண்மை கூட்டுறவு கடன் சங்கம் கலைப்பு
X

திருவண்ணாமலை மாவட்டம் ஆரணி தாலுகா தேவிகாபுரத்தில் தொடக்க வேளாண்மை கூட்டுறவு கடன் சங்கம் இயங்கி வருகிறது. இதன் தலைவராக மணிகண்டன், துணைத் தலைவராக புருஷோத்தமன், இயக்குனர்களாக பன்னீர்செல்வம், கணேசன், சங்கர், இளவரசி, தனலட்சுமி, மல்லிகா, மங்களம், குமார், சண்முகம் ஆகியோர் உள்ளனர்.

கூட்டுறவு கடன் சங்க செயலாளராக குப்பன் (பொறுப்பு) பணியாற்றி வந்தார். அவர் பணியிடை நீக்கம் செய்யப்பட்டு, தற்போது பழனி என்பவர் செயலாளராக பணிபுரிந்து வருகிறார்.

தேவிகாபுரம், முருகமங்கலம், கரிப்பூர், மலையாம்புரடை, நாச்சாபுரம் பகுதியில் உள்ள விவசாயிகள் விவசாய கடன், மகளிர் குழு கடன், நகைக்கடன், உரம் உள்ளிட்ட அரசு மானியங்கள் பெற்று இப்பகுதி விவசாயிகள் மற்றும் மகளிர் அணியினர் பயன்பெற்று வந்தனர்.

இந்த கடன் சங்கத்தில் கடந்த 2019-2020-ம் ஆண்டு கணக்குகள் தணிக்கை நடைபெற்றது. அப்போது பல்வேறு வகையில் ரூ.17 லட்சத்து 74 ஆயிரத்து 640 முறைகேடு நடந்து உள்ளது கண்டுபிடிக்கப்பட்டது.

மேலும் கடன் பெற்றவர்களின் நலனுக்கு பாதகமாக செயல்பட்டு சங்கத்தில் முறைகேடு நடைபெற காரணமாக இருந்த செயலாளர் குப்பன் (பொறுப்பு) மீது ஒழுங்கு நடவடிக்கை மேற்கொள்ள செப்டம்பர் மாதம் சங்க நிர்வாகிகளுக்கு இணைப்பதிவாளர் உத்தரவிட்டார்.

இணைப்பதிவாளர் உத்தரவை நிறைவேற்ற நிர்வாக குழு தவறியதால், சங்கத்தின் நலன் கருதியும், பொதுநலன் கருதியும் தமிழ்நாடு கூட்டுறவு சங்கங்களின் சட்டப்பிரிவுபடி நிர்வாகக் குழுவை ஏன் கலைக்கக் கூடாது என்பதற்கான எழுத்துப்பூர்வமான விளக்கத்தினை 15 தினங்களுக்குள் அளிக்கக்கோரி நிர்வாக குழுவினருக்கு கடிதம் அனுப்பப்பட்டது.

கடிதம் கிடைத்தும், கூட்டுறவு கடன் சங்க செயலாளர் குப்பன் (பொறுப்பு) மீது நிர்வாகக்குழு நடவடிக்கை எடுக்காமல் காலம் தாழ்த்தியது. இதனால் மீண்டும் ஒரு கடிதத்தை இணைப் பதிவாளர் அனுப்பினார்.

இதனைத் தொடர்ந்து செயலாளர் குப்பனை பணியிடை நீக்கம் செய்ய முடிவெடுத்து அதனை இணைப்பதிவாளரிடம் வழங்கியது. இதில் திருப்தி அடையாத இணைப்பதிவாளர் மீண்டும் தலைவர் மற்றும் நிர்வாக குழு இயக்குனர்களை நேரடியாக வந்து விளக்கம் அளிக்கும்படி கேட்டுக் கொண்டார்.

அதன்படி கடந்த 12-ந் தேதி தலைவர் மற்றும் இயக்குனர்கள் நேரடியாக இணை பதிவாளர் அலுவலகத்திற்கு சென்று விளக்கம் அளித்தனர். இவர்கள் அளித்த விளக்கத்தில் திருப்தி இல்லாத காரணத்தால் 18-ந் தேதி தேவிகாபுரம் தொடக்க வேளாண்மை கூட்டுறவு கடன் சங்க நிர்வாக குழு கலைக்கப்படுவதாக இணைபபதிவாளர் ராஜ்குமார் உத்தரவிட்டுள்ளார்.

இக்கடிதம் இன்று சங்க தலைவர் மற்றும் இயக்குனர்கள் அனைவருக்கும் முறையாக வழங்கப்பட்டது. அப்போதுதான் தொடக்க வேளாண்மை கூட்டுறவு கடன் சங்கம் கலைக்கப்பட்டது நிர்வாக குழுவினருக்கும், பொதுமக்களுக்கும் தெரியவந்தது.

Updated On: 26 Nov 2021 6:30 AM GMT

Related News

Latest News

  1. கோவை மாநகர்
    சட்ட விரோதமாக கஞ்சா விற்பனையில் ஈடுபட முயன்ற இருவர் கைது
  2. கோவை மாநகர்
    வீட்டிலேயே பிரசவம் பார்த்ததால் குழந்தை உயிரிழப்பு: தாய் மீது...
  3. வழிகாட்டி
    பிப்ரவரியில் குரூப் 2, மார்ச்சில் குரூப்-4 தேர்வு: டிஎன்பிஎஸ்சி...
  4. தென்காசி
    ஆரியங்காவு அருகே நிலச்சரிவு: கேரளாவுக்கு இயக்கப்படும் ரயில்கள் ரத்து
  5. ஈரோடு
    சத்தி: உடும்பை வேட்டையாடி சமைத்த 2 வாலிபர்கள் கைது
  6. திருநெல்வேலி
    அதிமுக ஒருங்கிணைப்பாளர்கள் போட்டியின்றி தேர்வு: நெல்லை அதிமுகவினர்...
  7. நாகப்பட்டினம்
    ஓ.பி.எஸ், இ.பி.எஸ். தேர்வு: நாகையில் இனிப்பு வழங்கிய அ.தி.மு.க.வினர்
  8. ஈரோடு
    நம்பியூர் மின்வாரிய ஊழியர் வீட்டில் ரூ.70 ஆயிரம் திருட்டு
  9. சங்கரன்கோவில்
    சங்கரன்கோவிலில் குண்டும் குழியுமான சாலைகள்: போலீசாருடன் சரி செய்த...
  10. சேலம் மாநகர்
    சேலத்தில் களைகட்டும் ஒட்டகப்பால் டீ விற்பனை: அசத்தும் இளைஞர்கள்