திருவள்ளூர் அருகே கோமாரி நோய் சிறப்பு மருத்துவ முகாம்

திருவள்ளூர் அடுத்த கடம்பத்தூர் ஒன்றியத்துக்கு உட்பட்ட பிஞ்சிவாக்கம் ஊராட்சியில் தமிழக அரசு சிறப்பு கால்நடை சுகாதாரம் மற்றும் உறுப்பினர் முகாம் நடைபெற்றது.

இம்முகாமில் மருத்துவ சிகிச்சை ,அறுவை சிகிச்சை, செயற்கை முறை கருவூட்டல், மலடு நீக்க சிகிச்சை, குடற்புழு நீக்கம், ஆண்மை நீக்கம், சினை பரிசோதனை, தடுப்பூசி போடுதல் நோய் தீர்க்கும் பல்வேறு சுகாதார நடவடிக்கைகள் குறித்து விழிப்புணர்வு நடத்தப்பட்டது.

கால்நடை வளர்ப்போர் அனைவரும் இம்முகாமில் கலந்துகொண்டு தங்கள் மாடுகளுக்கு தடுப்பூசி மற்றும் சத்து சிறப்புகள் கொடுக்கப்பட்டு பயன்பெற்றனர்.

இந்நிகழ்ச்சியில் கடம்பத்தூர் ஒன்றிய குழு துணை தலைவர் ரமேஷ், ஊராட்சி மன்ற தலைவர் உமா மணிகண்டன், துணைத்தலைவர் ஜெசிந்தா இருதயராஜ், கவுன்சிலர் பூங்கோதை பர்குணன், முன்னாள் தலைவர் மணி மற்றும் வார்டு உறுப்பினர்கள் ஊராட்சி செயலர், மருத்துவர்கள், கால்நடை உதவி மருத்துவர் சரவணன் , கால்நடை உதவி மருத்துவர் ரமேஷ் நாகலட்சுமி, கால்நடை ஆய்வாளர் லட்சுமி சுகுணா, உதவியாளர் மணிகண்டன், கோசலை குமரன் ஆகியோர் கலந்து கொண்டனர்.