வெங்கல் அருகே இருசக்கர வாகனங்கள் நேருக்கு நேர் மோதி விபத்து: 2 உயிரிழப்பு

Today Accident News in Tamil - வெங்கல் அருகே 2 இருசக்கர வாகனங்கள் நேருக்கு நேர் மோதிக்கொண்ட விபத்தில் தனியார் கம்பெனி ஊழியர் உட்பட 2 பேர் பலி. இருசக்கர வாகனங்கள் பின்னாடி அமர்ந்து வந்த 2 பேர் படுகாயம் மருத்துவமனையில் அனுமதி.

திருவள்ளூர் மாவட்டம் வெங்கல் அடுத்த கல்பட்டு பெருமாள் கோவில் தெரு பகுதியை சேர்ந்த மாணிக்கம் மகன் ஹரி கிருஷ்ணன் (35). இவரது மனைவி ஜெயஸ்ரீ 8 மாத கர்ப்பிணியாக உள்ளார். இவர் தனியார் கம்பெனியில் பணி செய்து வருகிறார். மெய்யூர் பகுதியைச் சேர்ந்த தாமோதரன் மகன் தியாகு (30) ஓட்டுநர். நேற்று இரவு ஹரி கிருஷ்ணன் பணியை முடித்துவிட்டு தன்னுடன் பணிபுரியும் சங்கர் என்பவரை இருசக்கர வாகனத்தில் ஏற்றிக்கொண்டு கல்பட்டு நோக்கி புறப்பட்டார். இருசக்கர வாகனத்தை ஹரிகிருஷ்ணன் ஓட்டி வந்தார். இதேபோல் மெய்யூர்லிருந்து தியாகு இருசக்கர வாகனத்தில் பிரபாகரன் என்பவரை ஏற்றுக்கொண்டு வெங்கல் நோக்கி புறப்பட்டார்.

அப்போது சீத்தஞ்சேரி - வெங்கல் காட்டு சாலையில் வந்து கொண்டிருந்தார். வனத்துறை சோதனை சாவடி அருகே வந்து போது எதிர்பாராதவிதமாக இரண்டு இருசக்கர வாகனங்கள் நேருக்கு நேர் பயங்கரமான சத்தத்துடன் மோதிக் கொண்ட விபத்தில் மோட்டார் சைக்கிளை ஓட்டி வந்த ஹரி கிருஷ்ணன் மற்றும் தியாகு ஆகிய இருவர் சம்பவ இடத்திலேயே பரிதாபமாக உயிரிழந்தனர். இரண்டு இருசக்கர வாகனங்களில் பின்புறம் அமர்ந்து வந்த பிரபாகரன் மற்றும் சங்கர் ஆகிய இருவரும் பலத்த காயமடைந்தனர். தகவலறிந்த வெங்கல் காவல் துறையினர் சம்பவ இடத்திற்கு விரைந்து வந்து சடலங்களை கைப்பற்றி பிரேத பரிசோதனைக்காக திருவள்ளூர் அரசு மருத்துவமனைக்கு அனுப்பி வைத்தனர். பின்னர் காயமடைந்த சங்கர் மற்றும் பிரபாகரனை மீட்டு சிகிச்சைக்காக திருவள்ளூர் அரசு மருத்துவமனைக்கு அனுப்பி வைத்து இதுகுறித்து வழக்கு பதிவு செய்து விசாரணை மேற்கொண்டு வருகின்றனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2