தாமரைப்பாக்கம் பகுதியில் ஏழைகளுக்கு நலத்திட்ட உதவிகள் வழங்கும் விழா

Tiruvallur News - திருவள்ளூர் மாவட்டம் தாமரைப்பாக்கம் பகுதியில் தேசிய மனித நலன் சட்ட உரிமைகள் அமைப்பின் மாநில செயலாளர் ஜோதியின் மகள் யோவஞ்சலியின் 4-ம் ஆண்டு பிறந்த நாளை முன்னிட்டு நலத்திட்ட உதவிகள் வழங்கும் விழா நடை பெற்றது. நிகழ்ச்சியில் தாமரைப்பாக்கம் கூட்டுச்சாலை அருகே உள்ள அம்மனம்பாக்கம் ஊராட்சி அரசு நடுநிலைப்பள்ளிக்கு கரும்பலகை மற்றும் பள்ளி மாணவ-மாணவிகளுக்கு இனிப்பு, கல்வி உபகரணங்கள் வழங்கினர்.

பின்னர் 500-க்கும் மேற்பட்ட ஏழை தாய்மார்களுக்கு புடவை, ஆட்டோ ஓட்டுநர்களுக்கு காக்கிசீறுடை, செங்குன்றத்தில் உள்ள நரிகுறவர்களுக்கு அறுசுவை உணவு போன்ற நலத்திட்ட உதவிகள் வழங்கப்பட்டது. இதில் முகமதுபுரோஸ்கான், தன்வீர், அகமது, அப்துல்காதர், பிரபாகரன், கருணாமூர்த்தி, ராஜா, பெருமாள், மதன்குமார், இளங்கோவன், சந்தோஷ்குமார், விஜய்கிருஷ்ணன் உட்பட நிர்வாகிகள் கலந்துகொண்டு விழாவை சிறப்பித்தனர். முன்னதாக டாக்டர் அம்பேத்கர், தந்தை பெரியார், தமிழக முதல்வர்கள் அண்ணா, எம்.ஜி.ஆர் ஆகிய தலைவர்களின் திருஉருவ சிலைக்கு மாலை அணிவித்து மரியாதை செலுத்தினர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2