/* */

திருச்சி ஜே.கே.நகரில் மூடப்படாத குழியால் பேருந்து சேவை பாதிப்பு

திருச்சி ஜே.கே.நகரில் குடிநீர் குழாய் சீரமைப்பிற்காக தோண்டப்பட்ட குழி மூடப்படாததால் பேருந்து சேவை பாதிக்கப்பட்டுள்ளது.

HIGHLIGHTS

திருச்சி ஜே.கே.நகரில் மூடப்படாத குழியால் பேருந்து சேவை பாதிப்பு
X

திருச்சி ஜே.கே.நகர் நால்ரோடு சந்திப்பில் மூடப்படாத குழியால் பஸ் போக்குவரத்து பாதிக்கப்பட்டு உள்ளது.

திருச்சி மாநகராட்சி 35 -வது வார்டில் உள்ளது ஜே.கே. நகர். முழுக்க முழுக்க விரிவாக்க பகுதியான இந்த நகரில் மாநகராட்சி நிர்வாகம் குடிநீர், தெருவிளக்கு உள்பட பல்வேறு அடிப்படை வசதிகளை செய்து கொடுத்து உள்ளது.

தற்போது பாதாள சாக்கடை திட்ட பணிகள் முழுவீச்சில் நடந்து வருகிறது. இந்நிலையில் ஜே.கே. நகர் நான்கு ரோடு சந்திப்பு பகுதியில் கடந்த சில நாட்களுக்கு முன்பு குடிநீர் குழாயில் உடைப்பு ஏற்பட்டு தண்ணீர் வெள்ளம் போல் பெருக்கெடுத்து ஓடியது. இதன் காரணமாக ஜே.கே.நகர் குடியிருப்பு வாசிகளுக்கு மூன்று நாட்களாக குடிநீர் விநியோகம் தடைபட்டது.

அதன் பின்னர் மாநகராட்சி அதிகாரிகள் குடிநீர் குழாயில் உடைப்பு ஏற்பட்ட பகுதியை சரி செய்தனர். இதற்காக தோண்டப்பட்ட குழி இன்னும் ஜே.கே. நகர் நால்ரோடு பகுதியில் சரியாக மூடப்படாமல் உள்ளது.இதனால் வாகன ஓட்டிகள் தினமும் பல வேதனைகளை அனுபவித்து வருகிறார்கள். குறிப்பாக ஸ்ரீரங்கத்திலிருந்து விமான நிலையம் செல்லும் 88ஏ டவுன் பஸ் இந்த வழியாகத்தான் செல்கிறது. தினமும் அந்த பஸ் குழி தோண்டப்பட்ட இடத்தில் திரும்பி செல்ல மிகவும் சிரமப்பட்டதால் அதன் சேவையும் கடந்த சில நாட்களாக நிறுத்தி வைக்கப்பட்டுள்ளது. இதனால் மக்கள் பஸ் வசதியின்றி அவதிப்படுகிறார்கள்.

எனவே சம்பந்தப்பட்ட மாநகராட்சி அதிகாரிகள் இந்த குழியை உடனடியாக மூடுவதற்கு நடவடிக்கை எடுக்க வேண்டும் என்பது இப்பகுதி மக்களின் தலையாய கோரிக்கையாக உள்ளது.

Updated On: 18 Oct 2021 12:14 PM GMT

Related News

Latest News

  1. லைஃப்ஸ்டைல்
    காலை எழுந்ததும்... வெறும் வயிற்றில் சாப்பிட ஏற்ற 10 உணவுகள்
  2. இந்தியா
    பாஸ்போர்ட் சேவா இணையத்தில் தொழில்நுட்பக் கோளாறு..! பலர் பரிதவிப்பு..!
  3. வீடியோ
    🔴LIVE : திருவள்ளூரில் பாஜக வேட்பாளரை ஆதரித்து அண்ணாமலை வாக்கு...
  4. குமாரபாளையம்
    எதிர்காலத்திற்கான டிஜிட்டல் டைனமோ—ஐசிடி கருவிகள்
  5. இந்தியா
    சுத்திச்சுத்தி அடிவாங்கும் டெல்லி முதல்வர் கெஜ்ரிவால்..!
  6. குமாரபாளையம்
    சக்திமயில் இன்ஸ்டிடியூட் சார்பில் தேசிய தடுப்பூசி தின நிகழ்வு
  7. லைஃப்ஸ்டைல்
    வாழ்க்கையில் எப்போதுமே ‘ஆசிர்வதிக்கப்பட்டவராக இருங்கள்’
  8. தமிழ்நாடு
    மக்களவைத் தேர்தல் 2024; எத்தனை வேட்பு மனுக்கள் ஏற்பு! எத்தனை...
  9. லைஃப்ஸ்டைல்
    ஆராரோ ஆரிராரோ - தாலாட்டு பாடல் கேட்ட ஞாபகம் இப்பவும் இருக்குதா?
  10. தொழில்நுட்பம்
    இனி மொபைல் மூலமாகவே கிரெடிட் கார்டை பயன்படுத்தலாம்..!