/* */

தேனியில் கோடை மழை: பொதுமக்கள் மகிழ்ச்சி

தேனி மாவட்டத்தில் இடி, மின்னலுடன் கூடிய மிதமான மழை பெய்தது. கோடை வெப்பத்தை குளிர்விக்க பெய்த மழையால் பொதுமக்கள் மகிழ்ச்சி.

HIGHLIGHTS

தேனியில் கோடை மழை: பொதுமக்கள் மகிழ்ச்சி
X

தமிழகத்தில் கடந்த சில தினங்களாக கோடை வெப்பம் மக்களை வாட்டி வதைத்து வருகிறது. இதன் தொடர்ச்சியாக ‌ மேற்குத் தொடர்ச்சி மலையை ஒட்டியுள்ள தேனி மாவட்டத்திலும் கோடையின் தாக்கம் அதிகமாகவே உள்ளது. இரவு நேரங்களிலும் நீடித்த வெப்ப சலனத்தால் பொதுமக்கள் சிரமம் அடைந்து வந்தனர்.

இந்நிலையில் தேனி மாவட்டத்தில் இன்று காலை முதல் வெப்பம் அதிகரித்து காணப்பட்ட நிலையில், மாலையில் வானம் மேகமூட்டத்துடன் மாறி மழை பெய்ய ஆரம்பித்தது. தேனி, பெரியகுளம், போடி மற்றும் அதன் சுற்றுவட்டார பகுதிகளில் சுமார் அரை மணி நேரத்திற்கு மேலாக இடி, மின்னலுடன் கூடிய மிதமான மழை பெய்ததால் வெப்பம் தணிந்து குளிர்ந்த சீதோஷ்ணம் நிலவியது. மேலும் சாலையிலும் மழை நீர் வழிந்தோடியது. ‌கோடை வெப்பத்தை குளிர்விக்க பெய்த மழையால் பொதுமக்கள் மகிழ்ச்சி அடைந்துள்ளனர்.

Updated On: 13 March 2021 11:31 AM GMT

Related News