/* */

அடிப்படை வசதிகள் கோரி போராட்டம்

பெரியகுளம் அருகே அடிப்படை வசதிகள் செய்து தராத பேரூராட்சி நிர்வாகத்தை கண்டித்து அலுவலகத்திற்கு பொதுமக்கள் பூட்டு போடும் போராட்டம் நடத்தினர்.

HIGHLIGHTS

அடிப்படை வசதிகள் கோரி போராட்டம்
X

தேனி மாவட்டம் பெரியகுளம் அருகே உள்ளது தேவதானப்பட்டி பேரூராட்சி. இப்பேரூராட்சிக்கு உட்பட்ட 14, 15, 16 மற்றும் கக்கன்ஜி காலணி ஆகிய பகுதிகளில் வடிகால், குடிநீர், மின்சாரம் உள்ளிட்ட அடிப்படை வசதிகள் கோரி, அப்பகுதியினர் பேரூராட்சி நிர்வாகத்திடம் கோரிக்கை விடுத்திருந்தனர். ஆனால் பொதுமக்களின் அடிப்படை வசதிகள் தற்போது வரை செய்து தரப்படவில்லை.

இந்நிலையில் குடியிருப்பு பகுதிகளின் நீண்ட கால கோரிக்கைகளை செய்து தராத பேரூராட்சி நிர்வாகத்தை கண்டித்து இன்று அப்பகுதி மக்கள் பூட்டு போடும் போராட்டத்தில் ஈடுபட்டனர். பொதுமக்களின் போராட்டத்திற்கு ஆதரவாக மார்க்சிஸ்ட் கம்யூனிஸ்டு கட்சியினரும் பங்கேற்றனர்.

தேவதானப்பட்டி பேருந்து நிலையத்தில் இருந்து பூட்டு சங்கிலியுடன் ஊர்வலமாக சென்ற பொதுமக்கள் பேரூராட்சி அலுவலக வளாகத்தில் அமர்ந்து தங்களது கோரிக்கைகளை வலியுறுத்தி கண்டன கோஷங்களை எழுப்பினர். பின் அலுவலகத்திற்கு பூட்டு போட முயன்றவர்களிடம் பெரியகுளம் வட்டாட்சியர் ரத்னமாலா, பெரியகுளம் காவல் துணை கண்காணிப்பாளர் முத்துக்குமார் மற்றும் தேவதானப்பட்டி பேரூராட்சி செயல் அலுவலர் கணேசன் உள்ளிட்ட அதிகாரிகள் பேச்சுவார்த்தை நடத்தினர். இதில் விரைவில் அடிப்படை வசதிகள் செய்து தர நடவடிக்கை எடுக்கப்படும் என்று தெரிவித்ததையடுத்து போராட்டத்தை கைவிட்டு அங்கிருந்து கலைந்து சென்றனர்.இதனால் அப்பகுதியில் சிறிது நேரம் பரபரப்பு ஏற்பட்டது.

Updated On: 2 Feb 2021 6:07 PM GMT

Related News

Latest News

  1. சினிமா
    ஹாட்ஸ்பாட் படம் எப்படி இருக்கு?
  2. அவினாசி
    கருவலூா் மாரியம்மன் கோவில் தேரோட்டம்; பக்தா்கள் பரவசம்
  3. திருப்பூர்
    ஆசிரியா்களுக்கு அவா்கள் வசிக்கும் பகுதிகளில் தோ்தல் பணி வழங்க ...
  4. திருப்பூர்
    ஆனைமலையாறு - நல்லாறு திட்டத்தை நிறைவேற்ற வலியுறுத்தல்
  5. திருப்பூர்
    திருப்பூா் மக்களவைத் தொகுதிக்கு தோ்தல் பாா்வையாளா்கள் நியமனம்
  6. அரசியல்
    பெரம்பலூர் தொகுதி திமுக வேட்பாளர் அருண்நேரு பிரச்சாரம் நாளை எங்கு?
  7. திருச்சிராப்பள்ளி மாநகர்
    திருச்சியில் வெப்பநிலை உயர்வால் ஆபத்து: மாவட்ட ஆட்சியர் எச்சரிக்கை
  8. சினிமா
    கா படம் எப்படி இருக்கு?
  9. மதுரை
    ஐந்து ஆண்டுகளில் 10 மடங்கு உயர்ந்த மார்க்சிஸ்ட் வேட்பாளர் வெங்கடேசனின்...
  10. சிதம்பரம்
    குண்டுமணி தங்கம் கிடையாதாம்: திருமாவளவன் பிரமாண பத்திரத்தில் தகவல்