அண்ணாமலையின் போராட்டத்திற்கு தேனி இந்து எழுச்சி முன்னணி ஆதரவு
அண்ணாமலை நடத்தும் ஊழலுக்கு எதிரான போராட்டத்திற்கு தேனி இந்து எழுச்சி முன்னணி ஆதரவு அளிக்கும் என தீர்மானிக்கப்பட்டது.
HIGHLIGHTS
தேனியில் நடந்த இந்து எழுச்சி முன்னணி கூட்டத்தில் நிர்வாகிகள் பலர் பங்கேற்றனர்.
பாஜக தலைவர் அண்ணாமலை நடத்தும் போராட்டங்களுக்கு தேனி மாவட்ட இந்து எழுச்சி முன்னணி ஆதரவு தெரிவித்து உள்ளது.
தேனி மாவட்ட இந்து எழுச்சி முன்னணி அலுவலகத்தில் வார வழிபாடு நடைபெற்றது. தேனி மாவட்ட செயலாளர் ராமமூர்த்தி தலைமை வகித்தார். தேனி நகர செயலாளர் தினேஷ்குமார் முன்னிலை வகித்தார். தேனி மாவட்ட தலைவர் ராமராஜ் வழி நடத்தினார்.
இந்த கூட்டத்தில் நிறைவேற்றப்பட்ட தீர்மானங்கள் வருமாறு:-
இந்த ஆண்டு தேனி அல்லிநகரம் ஸ்ரீ வீரப்ப அய்யனார் கோவில் சித்திரை திருவிழாவினை முன்னிட்டு இரண்டாம் ஆண்டாக நமது இந்து எழுச்சி முன்னணி இயக்கத்தின் சார்பாக மாபெரும் அன்னதானம் நடத்தப்பட்டது. இந்த அன்னதானத்திற்கு இடம், பொருள், பண உதவிகள் மற்றும் உடல் உழைப்பு வழங்கிய அனைத்து அன்பர்களுக்கும் இயக்கம் மனதார நன்றிகளை தெரிவித்துக் கொள்கிறது.
தேனி அல்லிநகரம் வீரப்ப அய்யனார் கோவில் திருவிழாவிற்கு பாதுகாப்பு வழங்கிய காவல்துறைக்கும் விழா சிறப்பாக நடைபெற செயலாற்றிய தேனி அல்லிநகரம் நகராட்சி நிர்வாகத்திற்கும் ஒத்துழைப்பு நல்கிய பொது மக்களுக்கும் பெரியோர்களுக்கும் இந்து எழுச்சி முன்னணி நன்றிகளை தெரிவித்துக் கொள்கிறது.
கடந்த 50 ஆண்டுகளுக்குப் பிறகு தமிழகத்தில் தூய அரசியலை முன்னெடுத்து, புனிதமான அரசியலை கலங்கப்படுத்தியவர்களும் அந்த அரசியலின் மூலம் கோடி கோடியாய் சம்பாதித்த ஊழல் அரசியல்வாதிகளின் ஊழல் பட்டியலை வெளியிட்டு அவர்களின் முகத்திரையை கிழித்த நெஞ்சுரம் மிக்க முன்னாள் ஐ.பி.எஸ். அதிகாரியும் தமிழ்நாடு பாரதீய ஜனதா கட்சியின் தலைவருமான அண்ணாமலைக்கு வாழ்த்துக்களையும் பாராட்டுக்களையும் தெரிவித்துக் கொள்வதோடு அவரின் இந்த புனிதமான முன்னெடுப்புக்கு இந்து எழுச்சி முன்னணி பேரியக்கம் என்றும் பக்கபலமாக இருக்கும் என்பதை தெரிவித்துக் கொள்கிறோம் என்ற தீர்மானங்கள் நிறைவேற்றப்பட்டன
