தஞ்சையில் வணிகர்களுக்கான சிறப்பு தடுப்பூசி முகாம்

தஞ்சையில் வணிகர்களுக்கான சிறப்பு தடுப்பூசி போடும் முகாமை மாவட்ட ஆட்சியர் தினேஷ் பொன்ராஜ் ஆலிவர் துவக்கி வைத்தார். பின்னர் செய்தியாளர்களுக்கு அளித்த பேட்டியில் கூறியதாவது:

தஞ்சை மாவட்டத்தில் படிப்படியாக கொரோனா தொற்று குறைந்து வருகிறது. பொது மக்களுடன் அதிகம் தொடர்புடன் உள்ள வணிகர்களுக்கென்று சிறப்பு தடுப்பூசி போடும் சிறப்பு முகாமை துவங்கியுள்ளோம். நேற்று 16 ஆயிரம் தடுப்பூசிகள் வந்துள்ளன. மாவட்டம் முழுவதிலும், இதுவரை 5 லட்சத்தி 15 ஆயிரம் பேருக்கு தடுப்பூசி போடப்பட்டுள்ளது.

முதல் கட்ட தடுப்பூசி 4 லட்சத்தி 30 ஆயிரம் பேருக்கும், இரண்டாம் கட்ட தடுப்பூசி 85 ஆயிரம் பேருக்கும் போடப்பட்டுள்ளது. 3 வது அலை வந்தாலும் சிகிச்சை அளித்திட முன்னேற்பாடாக 1000 புதிய படுக்கைகள் தயாராக வைத்துள்ளோம். ஆக்ஸிஜன் ஜெனரேட்டர் தஞ்சை மருத்துவ கல்லூரி மருத்துவமனையிலும், பட்டுக்கோட்டை அரசு மருத்துவமனையிலும் புதிதாக அமைக்கப்பட்டுள்ளது. இவ்வாறு தெரிவித்தார்.