போட்டித்தேர்வுகளுக்கான பயிற்சி வகுப்புகள்: தனியார் தொலைக்காட்சிகளில் ஒளிபரப்பு

பல்வேறு பணிகளுக்கான போட்டித் தேர்வு களுக்கு பயிற்சி வகுப்புகள் தனியார் தொலைக்காட்சிகளில் ஒளிபரப்பாகிறது என ஆட்சியர் தகவல் தெரிவித்துள்ளார்.

கல்வி தொலைக்காட்சியில் போட்டித் தேர்வுகளுக்கான பயிற்சி வகுப்புகள் 20.03.2022 அன்று முதலமைச்சர் தொடங்கி வைத்தார்.

இத்தொலைக்காட்சி அலைவரிசையில் தமிழ்நாடு அரசுப் பணியாளர் தேர்வாணையம், தமிழ்நாடு சீருடைப் பணியாளர் தேர்வு வாரியம், ஒன்றிய அரசு பணியாளர் தேர்வாணையம், பணியாளர் தேர்வாணையம், இரயில்வே தேர்வு வாரியம், மற்றும் வங்கி பணியாளர் தேர்வு நிறுவனம் போன்ற முகமைகளால் நடத்தப்படும் போட்டித் தேர்வுகளுக்கான பயிற்சி வகுப்புகள், ஊக்க உரைகள், முந்தைய ஆண்டுகளின் வினாத்தாள் பற்றிய கலந்துரையாடல் மற்றும் நடப்பு நிகழ்வுகள் ஆகிய பல்வேறு நிகழ்ச்சிகள் நாள்தோறும் முற்பகல் 7.00 மணியிலிருந்து 9.00 மணி வரையிலும், இதன் மறு ஒளிபரப்பு மாலை 7.00 மணி முதல் 9.00 மணி வரையிலும், ஒளிபரப்பு செய்யப்படுகின்றன.

மேலும் இதே நிகழ்ச்சியினை TN Career Services Employment என்ற YouTube Channel -ல் அடுத்தடுத்த நாட்களில் காணலாம்.போட்டித்தேர்வுகளுக்கான பயிற்சி வகுப்புகள் ஒளிபரப்பப்படும் தனியார் தொலைக்காட்சியின் அலை வரிசை ஏர்டெல் DTH- 821, சன் DTH-33 , TATA Sky DTH-1554, VIDEOCON d2h- 597, தனியார் கேபிள் (MSOs) TAC TV-200, TCCL-200.

பல்வேறு போட்டித் தேர்வுகளுக்கு தயாராகும் மாணவ, மாணவியர்கள் கல்வி தொலைக்காட்சியில் ஒளிபரப்பப்படும் போட்டித் தேர்வுகளுக்கான இப்பயிற்சி வகுப்புகள் மற்றும் இதர நிகழ்ச்சிகளை பார்த்து பயன்பெறலாம் என்று தஞ்சாவூர் மாவட்ட ஆட்சித்தலைவர் தினேஷ் பொன்ராஜ் ஆலிவர் தகவல் தெரிவித்துள்ளார். மேலும் விவரங்களுக்கு அலுவலக தொலைபேசி எண் 04362-237037. தொடர்பு கொள்ளலாம்.