மாற்றுத்திறனாளிகள் சுய உதவிக்குழுவுக்கு தையல் பயிற்சி: தஞ்சை மாவட்ட ஆட்சியர் தகவல்

தஞ்சாவூர் மாவட்டம், பேராவூரணி வட்டாரம், புனவாசல் ஊராட்சியில் செயல்பட்டு வரும் இளந்தென்றல் மாற்றுத்திறனாளி சிறப்பு குழுவில் உள்ள 12 மாற்றுத்திறனாளி குழு உறுப்பினர்களின் கோரிக்கையினை பரிசீலித்து மாற்றுத்திறனாளி குழு உறுப்பினர்கள் நலனை கருத்திற் கொண்டு அவர்கள் வசிக்கும் புனவாசல் ஊராட்சியிலேயே தஞ்சாவூர் கிராமிய சுய வேலைவாய்ப்பு பயிற்சி நிறுவனத்தின் மூலம் கிராம சேவை மையத்தில் 30 நாட்கள் தையல் பயற்சிஅளிக்க ஆணையிடப்பட்டுள்ளது.

மேலும், 12 புதிய தையல் இயந்திரங்கள் மாற்று திறனாளிகளுக்கு வாங்க ஏதுவாக கொள்முதல் ஆணை வழங்கப்பட்டு புதிய தையல் இயந்திரம் பெறப்படவுள்ளது. மேலும்,அவர்களது வாழ்வாதாரத்தை கருத்தில் கொண்டு தையல் பயிற்சி முடித்தபின் நிரந்தர வருமானம் ஏற்படுத்தி தரும் பொருட்டு தஞ்சாவூர் மகாராஜா சில்ஸ் நிறுவனம் மூலம் மாற்று திறனாளிகளுக்கு துணிகளை வழங்கி ஆயத்த ஆடைகளாக உருவாக்கி மீளபெற்றுக் கொள்ள ஏற்பாடு செய்யப்பட்டுள்ளதாக தஞ்சை மாவட்ட ஆட்சித்தலைவர் தினேஷ் பொன்ராஜ் ஆலிவர் தகவல் தெரிவித்தார்