/* */

வாக்காளர் பட்டியல் திருத்த முகாம்களை தொடர்ந்து நடத்த வலியுறுத்தல்

சிறப்பு திருத்த முகாம்களை டிசம்பர் மாதத்திலும் தொடர்ந்து நடத்த வேண்டுமென இந்திய கம்யூனிஸ்ட் கட்சி வலியுறுத்தியுள்ளது

HIGHLIGHTS

வாக்காளர் பட்டியல் திருத்த  முகாம்களை  தொடர்ந்து நடத்த வலியுறுத்தல்
X

வாக்காளர் பட்டியல் திருத்த சிறப்பு முகாமை பார்வையிட்டு மனு அளித்த இந்திய கம்யூனிஸ்ட் கட்சியின் மாவட்ட செயலாளர் பாரதி

கும்பகோணம் நகரில் நடைபெற்று வரும் வாக்காளர் பட்டியல் பெயர் சேர்த்தல், நீக்கல் மற்றும் திருத்துதல் குறித்த சிறப்பு சுருக்கமுறை திருத்த பணிகளை, இந்திய கம்யூனிஸ்ட் கட்சியின் மாவட்ட செயலாளர் பாரதி, நகரச் செயலாளர் மதியழகன், மாவட்டக்குழு உறுப்பினர் சுந்தர்ராஜன், நகர குழு உறுப்பினர் குமார் உள்ளிட்ட நிர்வாகிகள் பார்வையிட்டனர்.

பின்னர் மாவட்ட செயலாளர் பாரதி செய்தியாளர்களிடம் கூறியது: வாக்காளர் பட்டியல் பெயர் சேர்த்தல், நீக்கல் மற்றும் திருத்துதல் குறித்த சிறப்பு சுருக்கமுறை திருத்த பணிகளுக்காக இந்த மாதத்தில் நடைபெற மூன்று சிறப்பு முகாம்களை மழை மற்றும் வெள்ள பாதிப்பு காரணமாக பொதுமக்கள் முழுவதும் பயன்படுத்திக் கொள்ள முடியவில்லை. ஆகவே சிறப்பு முகாம்களை வரும் டிசம்பர் மாதத்தில் தொடர்ந்து நடத்த வேண்டும்.

இறப்பு சான்று கோரும் விண்ணப்பங்கள் மற்றும் அரசு வழங்கும் இறப்பு சான்றுகள் ஆதாரமாக கொண்டு இறந்தவர்களின் பெயர்களை வாக்காளர் பட்டியலிலிருந்து நீக்க வேண்டும். குடும்பத்தில் உள்ள அனைவரும் ஒரே வாக்கு சாவடியில் வாக்களிக்க ஏற்பாடு செய்ய வேண்டும். வாக்குசாவடி அமைவிடம் குறித்து அங்கீகரிக்கப்பட்ட அரசியல் கட்சிகளுடன் கலந்து ஆலோசனை செய்ய வேண்டும்.

கல்லூரிகளுக்கு நேரில் சென்று 18 வயது பூர்த்தியடைந்த புதிய வாக்காளர்களை அடையாளம் கண்டு விண்ணப்பம் பெற்று வாக்காளர் பட்டியலில் இணைத்து வாக்காளர் அடையாள அட்டை வழங்க வேண்டும். வாக்காளர்கள் இடமாற்றம் அதிகமாக உள்ள நிலையில், புதிதாக இடமாற்றம் செய்யும் இடத்தில் வாக்காளர் அடையாள அட்டை வழங்க வேண்டும். இறுதி வாக்காளர் பட்டியல் துல்லியமாக வெளியிட நடவடிக்கை மேற்கொள்ள வேண்டும் என மாவட்ட ஆட்சியரை இந்திய கம்யூனிஸ்ட் கட்சியின் சார்பில் கேட்டுக்கொள்கிறோம் என்றார்.

Updated On: 28 Nov 2021 12:15 PM GMT

Related News

Latest News

  1. சினிமா
    ஹாட்ஸ்பாட் படம் எப்படி இருக்கு?
  2. அவினாசி
    கருவலூா் மாரியம்மன் கோவில் தேரோட்டம்; பக்தா்கள் பரவசம்
  3. திருப்பூர்
    ஆசிரியா்களுக்கு அவா்கள் வசிக்கும் பகுதிகளில் தோ்தல் பணி வழங்க ...
  4. திருப்பூர்
    ஆனைமலையாறு - நல்லாறு திட்டத்தை நிறைவேற்ற வலியுறுத்தல்
  5. திருப்பூர்
    திருப்பூா் மக்களவைத் தொகுதிக்கு தோ்தல் பாா்வையாளா்கள் நியமனம்
  6. அரசியல்
    பெரம்பலூர் தொகுதி திமுக வேட்பாளர் அருண்நேரு பிரச்சாரம் நாளை எங்கு?
  7. திருச்சிராப்பள்ளி மாநகர்
    திருச்சியில் வெப்பநிலை உயர்வால் ஆபத்து: மாவட்ட ஆட்சியர் எச்சரிக்கை
  8. சினிமா
    கா படம் எப்படி இருக்கு?
  9. மதுரை
    ஐந்து ஆண்டுகளில் 10 மடங்கு உயர்ந்த மார்க்சிஸ்ட் வேட்பாளர் வெங்கடேசனின்...
  10. சிதம்பரம்
    குண்டுமணி தங்கம் கிடையாதாம்: திருமாவளவன் பிரமாண பத்திரத்தில் தகவல்