குற்றாலத்தில் மிகக் குறைவான அளவே தண்ணீர்: சுற்றுலா பயணிகள் அப்செட்

குற்றாலத்தில் கடந்த வாரம் மேற்கு தொடர்ச்சி மலைப்பகுதியில் பெய்த மழை காரணமாக அனைத்து அருவிகளிலும் தண்ணீர் விழத் தொடங்கியது. இதனால் ஏராளமான சுற்றுலா பயணிகள் குற்றாலம் நோக்கி படையெடுக்கத் தொடங்கினர். ஆனால் கடந்த சில நாட்களாக மழை பெய்யாததால் அருவிகளில் தண்ணீர் வரத்து வெகுவாக குறைந்துவிட்டது. மெயின் அருவி, ஐந்தருவி, பழைய குற்றால அருவிகளில் மிகக் குறைவான அளவே தண்ணீர் விழுகிறது. இதனால் குற்றாலம் வந்த சுற்றுலா பயணிகள் ஏமாற்றம் அடைந்தனர். மேலும் குளுமையான சூழ்நிலையும் குற்றாலத்தில் இல்லாததால் கடந்த வாரத்தை விட இந்த வாரம் சுற்றுலா பயணிகள் வருகை மிகவும் குறைவாகவே காணப்படுகிறது. சுற்றுலா பயணிகள் நீண்ட வரிசையில் காத்திருந்து குளித்து செல்கின்ற சூழ்நிலை உள்ளது.