சிவகங்கை தொகுதி அதிமுக வேட்பாளர் பெரும்பான்மை வெற்றி

நடந்து முடிந்த சட்டமன்றத் தேர்தலில் சிவகங்கை சட்டமன்றம் தொகுதியில் அதிமுக வேட்பாளர் பி.ஆர். செந்தில்நாதன் , இந்திய கம்யூனிஸ்ட் கட்சி வேட்பாளர் குணசேகரன் , அம்மா மக்கள் முன்னேற்ற கழக வேட்பாளர் தமிழரசன் , நாம் தமிழர் கட்சி வேட்பாளர் மற்றும் மக்கள் நீதி மைய கட்சி வேட்பாளர் உள்ளிட்ட சுயேச்சை உட்பட 13 வேட்பாளர்கள் போட்டியிட்டனர்.

இதற்கான வாக்கு எண்ணிக்கை சிவகங்கை மாவட்டம் காரைக்குடி அழகப்பா பல்கலைக்கழகத்தில் இன்று வாக்கு எண்ணிக்கை நடைபெற்று இதில் 31 சுற்றுகள் நடைபெற்றன இதில் கம்யூனிஸ்ட் கட்சி வேட்பாளர் குணசேகரன் 70,900 வாக்குகள் பெற்றார்.

அதிமுக வேட்பாளர் செந்தில்நாதன் 82,152 வாக்குகள் பெற்று இந்திய கம்யூனிஸ்ட் கட்சி வேட்பாளர் குணசேகரனை விட 11253 வாக்கு வித்தியாசத்தில் அதிமுக வேட்பாளர் செந்தில்நாதன் வெற்றி பெற்றதாக சிவகங்கை சட்டமன்ற தேர்தல் அலுவலர் முத்துக்களுவன் அறிவித்து சான்றிதழை வழங்கினார்.