பேருந்துக்காக நின்றிருந்த பெண்ணை முட்டித் தள்ளிய மாடு

சிவகங்கை மாவட்டம் திருப்புவனம் பகுதியில் 100க்கும் மேற்பட்ட கோவில் மாடுகள் போக்குவரத்துக்கு இடையூறாக ஊரை வலம் வருகிறது. இதனால் போக்குவரத்து மட்டுமின்றி பொது மக்களுக்கு மிகவும் இடையூறாக உள்ளது. இந்நிலையில் நேற்று பேருந்து நிலையத்தில் நின்றிருந்த ஒரு பெண்ணை மாடு முட்டி தூக்கி வீசிய சிசிடிவி காட்சிகள் தற்போது சமூக வலைதளங்களில் வைரலாக பரவி வருகிறது.

கடந்த மூன்று வருடங்களாக 40க்கும் மேற்பட்ட பொதுமக்கள் விபத்துக்குள்ளாகி கை, கால் சேதமாகி உள்ளார்கள். நான்கு பேர் உயிரிழந்துள்ளனர். நூற்றுக்கும் மேற்பட்ட வாகனங்கள் சேதம் ஆகியுள்ளன. பொதுமக்கள் பலமுறை புகார் கொடுத்தும் எந்த அரசு அதிகாரிகளும் இதுவரை நடவடிக்கை எடுக்கவில்லை. பாசாங்கரை கோவிலுக்கு சொந்தமான கோயில் மாடுகளை திருப்புவனம் பகுதியில் விடப்பட்டுள்ளது. பத்துக்கும் மேற்பட்ட மாடுகள் விபத்தினால் கால்கள் முறிந்து பராமரிப்பின்றி திரிகிறது. எனவே, அரசு கவனம் கொண்டு மாடுகளை வேற பகுதிக்கு அப்புறப்படுத்த வேண்டும் என்று பொதுமக்கள் கோரிக்கை விடுத்துள்ளனர்