வறுமை குடும்பங்களின் வாட்டத்தை போக்கிய இராணிப்பேட்டை சிப்காட் போலீசார்!

இராணிப்பேட்டை மாவட்டம் சிப்காட் பகுதி அருகே, நவ்லாக் புளியங்கண்ணு கிராமம் உள்ளது. இங்கு, சுமார் 500க்கும் மேற்பட்ட குடும்பத்தினர் வசித்து வருகின்றனர். கொரோனா தொற்று பரவலை தடுக்க அறிவிக்கப்பட்ட ஊரடங்கு காரணமாக, அப்பகுதியில். பல ஏழ்மைக் குடும்பங்கள் உணவுக்கு வழியின்றி வறுமையில் உள்ளனர். இதுபற்றிய தகவல், சிப்காட் போலீசாருக்கு தெரிய வந்தது.

இதையடுத்து, சிப்காட் போலீஸ் இன்ஸ்பெக்டர் சாலமோன் ராஜா தலைமையில், எஸ்ஐ. சிதம்பரம் முன்னிலையில், அப்பகுதியில் வாழ்வாதாரம் இழந்து வறுமையில் உள்ள 50 குடும்பங்களுக்கு, அரிசி, மளிகைப்பொருட்களை போலீசார் வழங்கினர். அவற்றை பெற்றுக்கொண்ட குடும்பத்தினர், போலீசாருக்கு நன்றியையும் வாழ்த்துக்களையும் நெகிழ்ச்சியோடு தெரிவித்தனர்.

#ranipet #police #help #lockdown #instanews #corona #covid #coronavirus #covid_19 #tamilnadu #covidvacccine #staysafe #virus #stayathome #socialdistancing #tamilnadu #government