இராணிப்பேட்டையில் திமுக கூட்டணி வேட்பாளர்கள் அறிமுகக்கூட்டம்

இராணிப்பேட்டை நகராட்சிக்குட்பட்ட உறுப்பினர்களுக்கான நகர்புற உள்ளாட்சி தேர்தலில் திமுக கூட்டணி சார்பில் 30 வார்டுகளில் போட்டியிடும் வேட்பாளர்களை அறிமுகம் செய்யும் கூட்டம் இராணிப்பேட்டை நகராட்சி அலுவலகம் அருகே நடந்தது

கூட்டத்தில் மாநில கைத்தறி மற்றும் துணிநூல் துறையமைச்சர் காந்தி, அரக்கோணம் நாடளுமன்ற உறுப்பினர் ஜெகத்ரட்சகன் மற்றும் மாநில சுற்றுசூழல் துணைசெயலாளர் விநோத் காந்தி ஆகியோர் பேசினர்.

அதனைத்தொடர்ந்து சிறப்பு அழைப்பாளராக திமுக பொதுச் செயலாளரும்,நீர் ஆதாரத் துறை அமைச்சர் துரைமுருகள் கலந்து கொண்டு வேட்பாளர்களை அறிமுகம் செய்து வைத்துப் பேசினார்.

அப்போது நீங்கள் தயக்கமின்றி மக்களிடம் வாக்குறுதிகளை அளித்து ஓட்டு சேகரியுங்கள். நகராட்சி வார்டுகளில் தண்ணீர் உள்ளிட்ட அடிப்படைப் பிரச்சினைகளை சரிசெய்வது வார்டு உறுப்பினர்களின் கடமையாகும். அவற்றை நிறைவேற்ற தேவையான நிதிகளைப் பெற்றுத்தர அமைச்சர்கள்,சட்டமன்ற உறுப்பினர்கள் என நாங்கள் உள்ளோம் தைரியமாக அரசின் சாதனைக்கூறி வாக்குகள் சேகரியுங்கள் என்றார்.

நிகழ்ச்சிக்குபின்பு செய்தியாளர்களை சந்திப்பில், நீட்விவகாரம் குறித்து ஸ்டாலினை பொதுவிவாதத்திற்கு பழனிச்சாமி அழைத்தது குறித்து கேள்விக்கு அவர் ,

எடப்பாடி பழனிச்சாமி சிறந்த கல்விமான், மேதை. சட்டசபையில் அவருக்கு பேச வாய்ப்பளித்தபோது பயன்படுத்தாதவர். இப்போது விவாதத்திலா பேசப்போகிறார் . நீட் தேர்வு விவகாரத்தில் தமிழக எதிர்கட்சி தலைவர் பழனிச்சாமி சட்டப் பேரவையில் பேசஅதிக நேரம் அளிக்கப்பட்டது. அதிகநேரம் வழங்க வேண்டும் என்று கேட்டதின் பேரில் வழங்கப்பட்டும் பேசாதவர் பொதுவிவாதத்திலா பேசப்போகிறார் என்பது வியப்பளிக்கிறது.

கூட்டத்தில் திமுக,காங்கிரஸ் மற்றும் விசிக நிர்வாகிகள் கலந்து கொண்டனர்