/* */

இந்திய கடற்படையில் புதிய இலகு ரக ஹெலிகாப்டர்கள்: தலைமைத்தளபதி அஜேந்திரா பகதூர்சிங்

இந்திய கடற்படையில் புதிய இலகு ரக ஹெலிகாப்டர்கள் சேர்க்கப்படஉள்ளதாக தலைமைத்தளபதி அஜேந்திரா பகதூர்சிங் தகவல்

HIGHLIGHTS

இந்திய கடற்படையில்  புதிய இலகு ரக ஹெலிகாப்டர்கள்: தலைமைத்தளபதி அஜேந்திரா பகதூர்சிங்
X

அரக்கோணம் ராஜாளியில் 96வது பயிற்சி நிறைவு விழாவில், இந்திய கடற்படைத்தலைமை தளபதி அஜேந்திரா பகதூர்சிங், பைலட்டுகளுக்கு சான்றிதழ்களை வழங்கினார்

இராணிப்பேட்டை மாவட்டம் அரக்கோணத்தில் இந்திய கடற்படையின் சார்பில் விமானம் மூலம் கடலோர எல்லைகளைக் கண்காணித்து வரும் ராஜாளியில், பைலட்டுகளுக்கான ஹெலிகாப்டர் பயிற்சிப்பள்ளி கடந்த 1992லிருந்து இயங்கி வருகிறது. அதில் கடற்கரையில் தாழ்வானப் பகுதிகளில் ஹெலிகாப்டரில் சென்று உற்று நோக்குதல் உள்ளிட்ட பல பயிற்சிகள் 6மாத காலம் பைலட்டுகளுக்கு வழங்கப்பட்டு வருகிறது.

தற்போது பயிற்சியை முடித்த 7பைலட்டுகளுக்கு 96வது பயிற்சி நிறைவு விழா நடந்தது. அவ்விழாவில் சிறப்பு அழைப்பளராக கலந்து கொண்ட இந்திய கடற்படைத்தலைமை தளபதி அஜேந்திரா பகதூர்சிங், திறந்த வெளி ஜீப்பில்சென்று கடற்படை வீரர்களின் அணிவகுப்பை பார்வையிட்டு அவர்கள் அளித்த மரியாதையை ஏற்றுக்கொண்டார். பின்னர் பயிற்சி முடித்த 7பைலட்டுகளுக்கு சான்றிதழ்களை வழங்கிய அவர் சிறப்பாக பயிற்சி முடித்த பைலட்டுகளுக்கு கேடயத்தை வழங்கி வாழ்த்து தெரிவித்தார். மேலும் அனைத்து பிரிவுகளிலும் சிறப்பாக பயிற்சிபெற்ற பவன்ராஜ் என்ற பைலட்டுக்கு கேரள கவர்னர் சுழற்கோப்பை விருதினை வழங்கினார்.

விழாவின் நிறைவாக பேசிய தலைமைத்தளபதி அஜேந்திரா பகதூர்சிங், இந்திய கடற்படையில் மேம்படுத்தப்பட்ட அதிநவீன இலகு ரக ஹெலிகாப்டர் சேர்க்கப்பட உள்ளது. மேலும் எம் எச் 60 ஆர் என்ற மேம்படுத்தப்பட்ட அதிநவீன ஹெலிகாப்டர், மற்றும் புதிய வகை இலகு ரக ஹெலிகாப்டர்கள் அமெரிக்காவிலிருந்து வர உள்ளதாகவும், விரைவில் அவை கடற்படையில் இணைத்துக் கொள்ளப்படும். இதன் மூலம் இந்திய கடற்படையின் பலம் அதிகரிக்கும் என்று கூறினார்.

Updated On: 18 Jun 2021 10:33 AM GMT

Related News

Latest News

  1. சினிமா
    ஹாட்ஸ்பாட் படம் எப்படி இருக்கு?
  2. அவினாசி
    கருவலூா் மாரியம்மன் கோவில் தேரோட்டம்; பக்தா்கள் பரவசம்
  3. திருப்பூர்
    ஆசிரியா்களுக்கு அவா்கள் வசிக்கும் பகுதிகளில் தோ்தல் பணி வழங்க ...
  4. திருப்பூர்
    ஆனைமலையாறு - நல்லாறு திட்டத்தை நிறைவேற்ற வலியுறுத்தல்
  5. திருப்பூர்
    திருப்பூா் மக்களவைத் தொகுதிக்கு தோ்தல் பாா்வையாளா்கள் நியமனம்
  6. அரசியல்
    பெரம்பலூர் தொகுதி திமுக வேட்பாளர் அருண்நேரு பிரச்சாரம் நாளை எங்கு?
  7. திருச்சிராப்பள்ளி மாநகர்
    திருச்சியில் வெப்பநிலை உயர்வால் ஆபத்து: மாவட்ட ஆட்சியர் எச்சரிக்கை
  8. சினிமா
    கா படம் எப்படி இருக்கு?
  9. மதுரை
    ஐந்து ஆண்டுகளில் 10 மடங்கு உயர்ந்த மார்க்சிஸ்ட் வேட்பாளர் வெங்கடேசனின்...
  10. சிதம்பரம்
    குண்டுமணி தங்கம் கிடையாதாம்: திருமாவளவன் பிரமாண பத்திரத்தில் தகவல்