செப். 12 - இல் புதுக்கோட்டைக்கு இளைஞரணி செயலாளர் உதயநிதி ஸ்டாலின் வருகை

புதுக்கோட்டையில் செப்.12-இல் நடைபெறும் பல்வேறு நிகழ்வுகளில் கலந்து கொள்வதற்காக திமுக இளைஞரணி செயலாளரும், சட்டப்பேரவை உறுப்பினருமான உதயநிதிஸ்டாலின் வருகிறார் என மாவட்ட திமுக தகவல் தெரிவித்துள்ளது.

திமுக மாநில இளைஞரணி செயலாளர் உதயநிதி ஸ்டாலின் நடைபெற்று முடிந்த சட்டமன்றத் தேர்தலில் திருவல்லிக்கேணி, சேப்பாக்கம் தொகுதியில் போட்டியிட்டு வெற்றி பெற்று சட்டமன்ற உறுப்பினராக முதல் முறையாக புதுக்கோட்டை மாவட்டத்திற்கு வருகிறார்.புதுக்கோட்டை நகர் மன்ற வளாகத்தில் செப்டம்பர் 12-ஆம் தேதி நடைபெறும், வேலைவாய்ப்பு முகாம், மாற்று கட்சியினர் திமுகவில் இணையும் விழா, திருமண விழா, சிலை திறப்பு விழா போன்ற நிகழ்ச்சிகளில் கலந்து கொள்கிறார்.

புதுக்கோட்டை நகரில் முதல் நிகழ்ச்சியாக, நகர் மன்ற வளாகத்தில் வேலை வாய்ப்பு முகாம், மாற்றுக் கட்சியினர் திமுகவில் இணையும் விழா நடைபெற இருக்கிறது. முதல் நிகழ்ச்சி நடைபெறும் இடமான நகர்மன்ற வளாகத்தை, புதுக்கோட்டை சட்டமன்ற உறுப்பினர் மருத்துவர் வை.முத்துராஜா, மாவட்ட பொருளாளர் ஆ.செந்தில், நகர செயலாளர் க.நைனா முகமது, இளைஞரணி அமைப்பாளர் சண்முகம் உள்ளிட்டோர் இன்று ஆய்வு செய்தனர். ஆய்வில், திமுக நிர்வாகிகள் ராஜேஸ்வரி சுப. சரவணன்,அப்புக்களை உள்பட திமுக நிர்வாகிகள் பலர் கலந்து கொண்டனர்.