விஜயகாந்த் பிறந்த நாள்: கோவில்களில் தேமுதிகவினர் சிறப்பு பூஜை செய்து வழிபாடு
பொதுமக்களுக்கு ஆலயங்களில் பூஜை செய்யப்பட்ட பொங்கல், கொண்டைக்கடலை, இனிப்பு போன்ற பிரசாதங்கள் வழங்கப்பட்டது.
HIGHLIGHTS
புதுக்கோட்டை மாவட்டத்தில் தேமுதிக கட்சியின் தலைவர் விஜயகாந்தின் பிறந்த நாள் விழா கொண்டாடப்பட்டது.
தேமுதிக கட்சித் தலைவர் விஜயகாந்தின் பிறந்த நாளை முன்னிட்டு இன்று புதுக்கோட்டை வடக்கு மாவட்ட தேமுதிக சார்பில், பழனியப்பா அருகிலுள்ள பொற்பனை முனீஸ்வரர் கோயில் மற்றும் விநாயகர் ஆலயங்களில் பொங்கல் படையலிட்டு சிறப்பு பூஜைகள் நடத்தி, பொதுமக்களுக்கு இனிப்புகள் வழங்கப்பட்டது. நிகழ்ச்சிக்கு தேமுதிக கட்சியின் வடக்கு மாவட்ட செயலாளர் சுப்பிரமணியன் தலைமை வகித்தார். நகர செயலாளர் சிங்கமுத்து. மாவட்ட அவைத்தலைவர் நெடுவை துரைராஜ், பொருளாளர் கே.ஆர். ஞானம் ஆகியோர் முன்னிலை வகித்தனர்.
தேமுதிக கட்சியின் உயர்மட்ட குழு உறுப்பினர் ஜாகீர் சிறப்பு விருந்தினராக கலந்து கொண்டு பொதுமக்களுக்கு ஆலயங்களில் பூஜை செய்யப்பட்ட பொங்கல், கொண்டைக்கடலை மற்றும் இனிப்பு போன்ற பிரசாதங்களை வழங்கினார். மாவட்ட துணை செயலாளர்கள் முத்துக்குமார் பாக்கியம் இளைஞரணி துணைச் செயலாளர் ராமையா உள்பட பலர் கலந்து கொண்டனர்.