/* */

புதுக்கோட்டையில் உலக சாதனை படைத்த மாணவ மாணவிகளுக்கு பாராட்டு சான்று

உலக சாதனை அபாகஸ் நிகழ்ச்சியில்( 2021) மாணவ, மாணவிகள் தொடர்ந்து 35 மணி நேரம் கலந்துகொண்டு உலக சாதனை படைத்தனர்

HIGHLIGHTS

புதுக்கோட்டையில் உலக சாதனை படைத்த மாணவ மாணவிகளுக்கு  பாராட்டு  சான்று
X

புதுக்கோட்டை ஆத்மா அகாடமியில் அபாகஸ் உலக சாதனை நிகழ்வில் கலந்துகண்ட மாணவ  மாணவிகளுக்கு சான்றிதழ்கள்  வழங்கப்பட்டது

புதுக்கோட்டை ஆத்மா அகாடமியில் அபாகஸ் உலக சாதனை நிகழ்வில் கலந்துகொண்ட மாணவ, மாணவிகளுக்கு சான்றிதழலும், பதக்கமும் வழங்கி பாராட்டு விழா நடைபெற்றது.

பிரைனி பாப்ஸ் அபாக்கஸ் நடத்திய கலாம் புக் ஆப் ரெக்கார்டு என்ற உலக சாதனை அபாகஸ் நிகழ்ச்சியில் 2021 மாணவ, மாணவிகள் கலந்துகொண்டு தொடர்ந்து 35 மணி நேரம் நடந்த இந்த உலக சாதனை நிகழ்வில் புதுக்கோட்டை ஆத்மா அகாடமி மற்றும் ஸ்ரீவெங்கடேஸ்வரா மெட்ரிக் மேல்நிலைப் பள்ளி மாணவர்கள் 57 பேர் கலந்துகொண்டார்கள்.

அவர்களுக்கான உலக சாதனைப் புத்தகத்தில் இடம்பெற்றதற்கான சான்றும், பாரட்டு விழாவும் கீழராஜவீதியில் உள்ள ஆத்மா யோகா மையத்தில் நடைபெற்றது. விழாவில் ஆத்மா அகாடமியின் செயலாளர் யோகா புவனேஸ்வரி பாண்டியன் வரவேற்றார். சிறப்பு விருந்தினராக தேசிய நல்லாசிரியர் விருதாளர் கவிஞர் தங்கம் மூர்த்தி கலந்துகொண்டு சான்றுகள் வழங்கி சிறப்புரையாற்றினார். மரம் நண்பர்கள் அமைப்பின் பொறுப்பாளர் பழனியப்பா மெஸ் கண்ணன் மாணவர்களுக்கு மரக்கன்றுகள் வழங்கி பாராட்டு தெரிவித்தார்.ஆத்மா அறக்கட்டளை நிறுவனர் யோகா பாண்டியன் வாழ்த்துரை வழங்கினார்.

கெளரவ விருந்தினர்களாக பிரைனி பாப்ஸ் நிர்வாக தலைவர் ஜெயபிரியா, சிஇஓ ஜோதிபாசு ஆகியோர் பேசும்போது மாணவர்களுக்கு நினைவாற்றல், கற்பனைத்திறன் வளர்ப்பு, தனித்திறமைகள் வளர்ப்பதில் ஆர்வம், எப்போதும் சுறுசுறுப்புடன் இயங்குவது, தன்னம்பிக்கை வளர்த்தல், குழு ஒற்றுமை ஆகிய நற்பண்புகள் வளர்பதற்கு அபாக்கஸின் பயன்கள் குறித்து பேசியதுடன் மாணவர்களுக்கு சான்றிதழும், ஆத்மா அகாடமிக்கு சிறப்பு சான்றும் வழங்கினார்கள். நிகழ்ச்சிக்கான ஏற்பாட்டினை மாணவர்களும் பெற்றோர்களும் செய்தனர். நிறைவாக பெற்றோர்கள் சார்பாக பிரேம ரஞ்சனி நன்றி கூறினார்.


Updated On: 4 Oct 2021 10:55 AM GMT

Related News

Latest News

  1. லைஃப்ஸ்டைல்
    நண்பனே... எனது உயிர் நண்பனே ! நீண்ட நாள் உறவிது.. இன்று போல் என்றுமே...
  2. லைஃப்ஸ்டைல்
    உறவுகளை எப்படி வகைப்படுத்தலாம்..? தெரிஞ்சுக்கங்க..!
  3. திருவண்ணாமலை
    போக்குவரத்து போலீசாருக்கு தொப்பி, கூலிங் கிளாஸ் வழங்கிய போலீஸ்
  4. வீடியோ
    பிரதமராக மன்மோகன் சிங்கை தேர்ந்தெடுக்க காரணம்?#annamalai #annamalaibjp...
  5. இந்தியா
    இந்தியாவில் உள்ள ரவுடி இடங்கள் குறித்து தெரிந்துக்கொள்வோமா?
  6. லைஃப்ஸ்டைல்
    எதிர்பார்ப்பு நிறைவேறாவிட்டால், ஏமாற்றமே..!
  7. பொன்னேரி
    பொன்னேரி அருகே நடந்த கொலை கொள்ளை வழக்கில் 6 மணி நேரத்தில் இளைஞர் கைது
  8. கரூர்
    டெண்டர் நோட்டீஸ் நகலை காண்பித்து வாக்கு சேகரித்த காங்கிரஸ் வேட்பாளர்...
  9. ஈரோடு
    தாளவாடி அருகே அரசு பேருந்து பயணிகளை மிரட்டிய ஒற்றை காட்டு யானை
  10. வீடியோ
    Congress vs BJP இரண்டு கட்சிக்கும் வித்தியாசம் என்ன ?#annamalai...