நகராட்சி 27 வது வார்டில் அதிமுக வேட்பாளரின் தேர்தல் பணிக்குழு அலுவலகம் திறப்பு

புதுக்கோட்டை நகராட்சிக்கு உட்பட்ட 27 வது வார்டில் போட்டியிடும் அதிமுக வேட்பாளர் அப்பு என்கிற கனகசபையின் தேர்தல் அலுவலகம் திறக்கப்பட்டது..

புதுக்கோட்டை நகராட்சிக்குட்பட்ட 42 வார்டுகளுக்கான உள்ளாட்சி தேர்தல் வரும் 19ம் தேதி நடைபெற உள்ளநிலையில் ஒவ்வொரு வேட்பாளர்களும் தங்கள் வார்டுகளுக்கு உட்பட்ட பகுதிகளில் தேர்தல் அலுவலகத்தை திறந்து வருகின்றனர்.நகராட்சிக்குட்பட்ட 27 வது வார்டில் போட்டியிடும் அதிமுக வேட்பாளர் அப்பு என்கிற கனகசபையின் தேர்தல் அலுவலகத்தை தமிழ் மாநில காங்கிரஸ் புதுக்கோட்டை மாவட்ட செயலாளர் தமிழரசன் வியாழக்கிழமை திறந்து வைத்தார்.

இதில், தமிழ் மாநில காங்கிரஸ் கட்சியின் மாநில இளைஞரணி தலைவர் லேணா. சரவணன், புதுக்கோட்டை நகராட்சி முன்னாள் நகர்மன்றத் தலைவர் ராஜசேகர், முன்னாள் நகர மன்ற துணைத் தலைவர் எஸ் ஏ எஸ் சேட்டு என்கிற அப்துல் ரஹ்மான், வட்டச்செயலாளர் அப்துல்லா மற்றும் நிர்வாகிகள் உள்பட பலர் கலந்து கொண்டனர்.தேர்தல் பணிக்குழு அலுவலகத்தை திறந்து கவந்த முக்கிய நிர்வாகிகளுக்கு 27 வது வார்டு அதிமுக வேட்பாளர் அப்பு என்கிற கனகசபை அனைவருக்கும் சால்வை அணிவித்து கௌரவித்தார்.