ப.வேலூர் அருகே வெட்டுக்குதிரையில் மாரியம்மன் வீதி உலா: பக்தர்கள் தரிசனம்

namakkal news, namakkal news today- நாமக்கல் மாவட்டம் பரமத்தி வேலூர் அருகே உள்ள பொத்தனூர் புதுப்பாளையம், ஸ்ரீ மகாமாரியம்மன் கோயில் தேர்த் திருவிழா கடந்த 7-ஆம் தேதி இரவு கிராம சாந்தி, கம்பம் நடுதல் மற்றும் காப்பு கட்டுதல் விழாவுடன் தொடங்கியது. 8-ஆம் தேதி முதல் 11- ஆம் தேதி வரை தினந்தோறும் இரவு அம்மனுக்கு சிறப்பு அபிஷேக ஆராதனைகளும், சிறப்பு அலங்காரமும் நடைபெற்றது. 12-ஆம் தேதி பூச்சொரிதல் விழாவும், மறு காப்பு கட்டுதலும் நடைபெற்றது.

தினந்தோறும் இரவு சிம்மம், ரிஷபம், அன்னபட்சி உள்ளிட்ட வாகனங்களில் முக்கிய விதிகள் வழியாக திருவீதி உலாவரும் நிகழ்ச்சி நடைபெற்றது. நேற்று சுவாமி வெட்டுக்குதிரையில் உலா வந்து பக்தர்களுக்கு அருள் பாலித்தார். திரளான பக்தர்கள் விழாவில் கலந்துகொண்டு சாமி தரிசனம் செய்தனர்.

21-ஆம் தேதி மாலை வடிசோறு, மாவிளக்கு மற்றும் அம்மன் திருவீதி உலா வரும் நிகழ்ச்சி நடைபெற்றது. 22- ஆம் தேதி அதிகாலை 4.30 மணி முதல் 6 மணிக்குள் அம்மன் ரதம் ஏறுதலும், மாலை 3.30 மணிக்கு மகா மாரியம்மன் திருத்தேரில் திருவீதி உலா வரும் நிகழ்ச்சி நடைபெறுகிறது. 23-ஆம் தேதி மாலை குண்டம் இறங்கும் விழாவும், பெண்கள் பூவாரி போட்டுக் கொள்ளும் நிகழ்ச்சியும் நடைபெறுகிறது. 24-ஆம் தேதி பொங்கல் வைத்து மாவிளக்கு படைக்கும் நிகழ்ச்சியும், அக்னி சட்டி எடுத்தல் மற்றும் அலகு குத்துதல் நிகழ்ச்சியும் நடைபெறுகிறது. 25-ஆம் தேதி கம்பம் ஆற்றுக்கு செல்லுதலும், கிடா வெட்டும் நிகழ்ச்சியும் நடைபெறுகிறது. 26-ஆம் தேதி மஞ்சள் நீராடலும், இரவு அம்மன் முத்துப்பல்லக்கில் திருவீதி உலா வரும் நிகழ்ச்சியும், 27-ஆம் தேதி ஊஞ்சல் உற்சவமும், 28-ஆம் தேதி காலை 6 மணிக்கு யாக பூஜை, அன்னப்பாவாடை மற்றும் மகாதீபாராதனையும் நடைபெறுகிறது.