நாமக்கல் நகராட்சி மின் மயான பணியாளர்களுக்கு நிவாரண உதவி : எம்எல்ஏ ராமலிங்கம் வழங்கல்

நாமக்கல் நகராட்சி மின் மயானப் பணியாளர்களுக்கு நிவாரண உதவிகளை எம்எல்ஏ ராமலிங்கம் வழங்கினார்.

நாமக்கல் நகராட்சி மின் மயானம் சேந்தமங்கலம் ரோட்டில் உள்ளது. இந்த மயானத்தை யுனைடெட்வெல்போர் டிரஸ்ட் தொண்டு நிறுவனம் பராமரித்து வருகிறது. இந்த மயானத்தில் கொரோனா பாதிப்பால் இறந்தவர்களின் உடல்களை சேவை நோக்கத்துடன் எரியூட்டி வருகிறார்கள்.

இங்கு 10க்கும் மேற்பட்ட பணியாளர்கள் தொண்டு உள்ளத்துடன் பணியாற்றி வருகிறார்கள். அந்த பணியாளர்களுக்கு நாமக்கல் எம்எல்ஏ ராமலிங்கம் தனது சொந்த நிதியில் இருந்து முட்டை உள்ளிட்ட 11 வகையான உணவுப்பொருட்கள் மற்றும் நிவாரண உதவிகளை வழங்கினார். நகர திமுக செயலாளர் பூபதி, யுனைடெட் வெல்பேர் டிரஸ்ட் அறங்காவலர் நடராஜன், கார்த்திக், முன்னாள் கவுன்சிலர் சரவணன், வார்டு செயலாளர்கள் சையத்முதபா, இம்ரான், மாவட்ட இளைஞரணி துணை அமைப்பாளர் நந்தகுமார், நகர இளைஞரணி அமைப்பாளர் சதிஷ் உள்ளிட்டபலர் நிகழ்ச்சியில் கலந்து கொண்டனர்.