2 வாரங்களாக குடிநீர் விநியோகம் இல்லாமல் நரிக்குறவர் காலனி மக்கள் கடும் அவதி

இரண்டு வாரங்களுக்கு மேலாக குடிநீர் விநியோகம் இல்லாததல் நாமக்கல் நகராட்சியில் உள்ள நரிக்குறவர் காலனி மக்கள் கடுமையாக பாதிக்கப்பட்டுள்ளனர்.

HIGHLIGHTS

  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
  • Whatsapp
  • Telegram
  • Linkedin
  • Print
  • koo
2 வாரங்களாக குடிநீர் விநியோகம் இல்லாமல்  நரிக்குறவர் காலனி மக்கள் கடும் அவதி
X

நாமக்கல் நகராட்சி 38வது வார்டு நரிக்குறவர் காலனி பொதுமக்கள், 2 வாரங்களாக குடிநீர் விநியோகம் இல்லாததால் பாதிக்கப்பட்டுள்ளனர்.

இரண்டு வாரங்களுக்கு மேலாக குடிநீர் விநியோகம் இல்லாததல் நாமக்கல் நகராட்சியில் உள்ள நரிக்குறவர் காலனி மக்கள் கடுமையாக பாதிக்கப்பட்டுள்ளனர்.

நாமக்கல் நகராட்சிக்கு உட்பட்ட 38வது வார்டு நரிக்குறவர் காலனியில் 200க்கும் மேற்பட்ட குடும்பத்தினர் வசித்து வருகின்றனர். இங்கு காவிரி குடிநீர் மற்றும் போர்வெல் கிணறு மூலம் பிற பயன்பாட்டுக்கான தண்ணீரும் விநியோக்கப்பட்டு வந்தது. இந்நிலையில் கடந்த இரு வாரத்திற்கு மேலாக காவிரிக் குடிநீர் மற்றும் போர்வெல் தண்ணீரும் வினியோகிக்கப்படவில்லை. இதனால் இப்பகுதியில் வசிக்கும் பொதுமக்கள் 2 கி.மீ. தூரம் நடந்து சென்று தண்ணீர் எடுத்து வரும் அவல நிலைக்கு தள்ளப்பட்டுள்ளனர்.

இதுகுறித்து அப்பகுதி மக்கள் கூறுகையில், நரிக்குறவர் காலனியில் உள்ள மக்கள் அனைவரும் கூலி வேலை செய்து பிழைப்பு நடத்தி வருகிறோம். கடந்த இரு வாரங்களாக காவிரிக் குடிநீர் மற்றும் போர்வெல் தண்ணீரும் வினியோகிக்கப்படவில்லை. அத்தியாவசியத் தேவைகளுக்கு கூட தண்ணீர் இல்லை. விலை கொடுத்து வாங்க முடியாத காரணத்தால் சுமார் 2 கி.மீ., தூரம் சென்று தண்ணீர் எடுத்து வர வேண்டிய நிலை உள்ளது.

வீட்டில் பெரியவர்கள் இல்லாத சமயத்தில் சிறுவர்கள் தண்ணீர் எடுத்துவர இரு சக்கர வாகனத்தில் சென்றால் போலீசார் பிடித்து அபராதம் விதிக்கின்றனர். நரிக்குறவர் காலனி வீதியில் அடிப்படை வசதியான சாக்கடை வசதியில்லை. இதனால் வீட்டில் இருந்து வெளியேறும் கழிவு நீர் அனைத்தும் சாலையிலேயே குளம்போல் தேங்கி நிற்கிறது.மேலும் இப்பகுதியில் மக்கள் வெளியூர் சென்று வருவதற்கு கூட பேருந்து வசதியும் இல்லை.

கழிவுநீர் சாக்கடை, பஸ் வசதியில்லாமல் இருந்தாலும் குடிநீர், தண்ணீர் விநியோகம் இல்லாமல் கடுமையாக அவதிப்பட்டு வருகிறோம். நகராட்சி நிர்வாகத்திடம் கூறியும் இதுவரை எவ்வித நடவடிக்கையும் எடுக்கவில்லை. தண்ணீர் பிரச்சினைக்கு விரைந்து தீர்வு காண வேண்டும் என்று கூறினர்.

Updated On: 2022-10-02T08:48:13+05:30

Related News

Latest News

  1. உலகம்
    கொலம்பியா நிலச்சரிவு: உயிரிழந்த 34 பேரில் எட்டு சிறுவர்கள்
  2. தென்காசி
    தென்காசி மாவட்டத்திற்கு முதல்வர் வருகை: பாதுகாப்பு குறித்து தென்மண்டல...
  3. நாமக்கல்
    நாமக்கல் உழவர் சந்தை: காய்கறி மற்றும் பழங்கள் விலை நிலவரம்
  4. திருவில்லிபுத்தூர்
    தொடர் மழை: சதுரகிரிமலை சுந்தர மகாலிங்கம் கோயிலுக்கு செல்ல...
  5. தொழில்நுட்பம்
    எலோன் மஸ்க் பயன்படுத்தவுள்ள நியூராலிங்க் தொழில்நுட்பம் என்றால்
  6. விளையாட்டு
    உலகக்கோப்பை கால்பந்து: காலிறுதிக்கு முன்னேறியது பிரேசில்
  7. திருவண்ணாமலை
    கார்த்திகைத் தீபத் திருவிழா: சிறப்பு அலங்காரத்தில் அண்ணாமலையார்...
  8. திருவண்ணாமலை
    அண்ணாமலையார் கோவிலில் பரணி தீபம் ஏற்றப்பட்டது
  9. இந்தியா
    சபரிமலையில் கூடுதல் பாதுகாப்பு.. தீவிர சோதனைக்குப் பிறகே பக்தர்கள்...
  10. தூத்துக்குடி
    தூத்துக்குடி மாவட்டத்தில் பாலித்தீன் பைகளில் உணவுப் பொருட்களை...