நாமக்கல் கிழக்கு, மேற்கு மாவட்ட தி.மு.க., இளைஞர் அணி நிர்வாகிகள் பட்டியல் வெளியீடு
நாமக்கல் கிழக்கு, மேற்கு மாவட்ட தி.மு.க. இளைஞரணி அமைப்பாளர், துணை அமைப்பாளர்கள், நிர்வாகிகள் பெயர் பட்டியல் வெளியிடப்பட்டுள்ளது.
HIGHLIGHTS
நாமக்கல் கிழக்கு, மேற்கு மாவட்ட தி.மு.க. இளைஞரணி அமைப்பாளர், துணை அமைப்பாளர்கள், நிர்வாகிகள் பெயர் பட்டியல் வெளியிடப்பட்டுள்ளது.
தமிழக முதல்வரும், தி.மு.க., தலைவருமான ஸ்டாலின், மாநில தி.மு.க. இளைஞரணி செயலாளர், அமைச்சர் உதயநிதி ஸ்டாலின் ஆகியோர் வழிகாட்டுதலின்படி, நாமக்கல் கிழக்கு மாவட்டத்தில், மாவட்ட இளைஞரணி அமைப்பாளர் மற்றும் துணை அமைப்பாள்கள் பதவிக்கு, விண்ணப்பங்கள் பெறப்பட்டது. அதையடுத்து, நேற்று தலைமை கழகத்தில் இருந்து அமைப்பாளர், துணை அமைப்பாளர் பதவிக்கு தேர்வு செய்யப்பட்டவர்கள் பெயர் பட்டியல் அறிவிக்கப்பட்டது.
அதன்படி, நாமக்கல் கிழக்கு மாவட்ட திமுக இளைஞரணி அமைப்பாளராக சேந்தமங்கலம் விஸ்வநாத் நியமனம் செய்யப்பட்டுள்ளார். மேலும், துணை அமைப்பாளர்களாக நாமக்கல் இளம்பரிதி, பொம்மம்பட்டி பிரபாகரன், ராசிபுரம் கார்த்திக், நாரைக்கிணறு ரமேஷ்குமார், முத்துகாப்பட்டி கலைவாணன் ஆகியோர் நியமனம் செய்யப்பட்டுள்ளனர்.
அதேபோல், நாமக்கல் மேற்கு மாவட்ட இளைஞரணி அமைப்பாளராக திருச்செங்கோடு பாலாஜி நியமனம் செய்யப்பட்டுள்ளார். மேலும், துணை அமைப்பாளர்களாக, ப.வேலூர் சுந்தர், நவலடி ராஜா, குமாரபாளையம் கதிரவன், பல்லக்காபாளையம் முரளி, கூத்தகவுண்டம்பாளையம் ஜெகதீஷ்குமார், சோமனம்பட்டி கார்த்திகேயன் ஆகியோரும் நியமனம் செய்யப்பட்டுள்ளனர்.