பொட்டணம் கிராமத்தில் தள்ளுபடி செய்யப்பட்ட நகைகளை பயனாளிகளுக்கு வழங்கிய எம்எல்ஏ
பொட்டணம் கிராமத்தில் 218 பேருக்கு ரூ.1.13 நகைக்கடன் தள்ளுபடி செய்து, எம்எல்ஏ ராமலிங்கம் நகைகளை திருப்பி வழங்கினார்.
HIGHLIGHTS
நாமக்கல் அருகே உள்ள, பொட்டணம் தொடக்க வேளாண்மை கூட்டுறவு கடன் சங்கத்தில், நகைக்கடன் தள்ளுபடி சான்று வழங்குதல் மற்றும் பயனாளிகளுக்கு நகைகளை திருப்பி வழங்கும் விழா நடைபெற்றது.
நாமக்கல் எம்எல்ஏ ராமலிங்கம் நிகழ்ச்சிக்கு தலைமை வகித்து 218 பேருக்கு, ரூ.1 கோடி 13 லட்சம் மதிப்பிலான கடன் தள்ளுபடி உத்தரவுகளை வழங்கி, அவர்களின் நகைகளை திருப்பி வழங்கினார். மேலும் நிகழ்ச்சியில் பயனாளிகளுக்கு புதிய ஸ்மார்ட் ரேஷன் கசார்டு, முதியோர், விதவை உதவித்தொகைக்கான உத்தரவு உள்ளிட்ட நலத்திட்ட உதவிகளை அவர் வழங்கினார்.
சேந்தமங்கலம் ஒன்றிய அட்மா தலைவர் அசோக்குமார், கொமதேக மாவட்ட செயலாளர் மாதேஸ்வரன், பொட்டணம் பஞ்சாயத்து தலைவர் பிரபாகரன், துணைத் தலைவர் தங்கராசு, ஊராட்சி ஒன்றிய குழு உறுப்பினர் சண்முகம், பால் உற்பத்தியாளர்கள் சங்கத் தலைவர் பெரியசாமி உள்ளிட்ட பலர் கலந்துகொண்டனர்.