கொரோனா குறித்த புகாரா? நாமக்கல்லில் கட்டுப்பாட்டு அறை திறப்பு

நாமக்கல் நகராட்சிப் பகுதியில் மொத்தம் 39 வார்டுகள் உள்ளன. அனைத்து பகுதிகளிலும் கொரோனா தொற்று வேகமாக பரவி வருகிறது. 10க்கும் மேற்பட்ட இடங்கள் கட்டுப்பாட்டு பகுதியாக அறிவிக்கப்பட்டுள்ளது.

அப்பகுதியில் வசிப்பவர்கள் வெளியே வரவும், வெளி ஆட்கள் உள்ளே செல்லவும் தடை செய்யப்பட்டுள்ளது. கட்டுப்பாட்டு பகுதியில் உள்ளவர்களுக்கு தேவையான அத்தியாவசியப் பொருட்கள் தன்னார்வலர்கள் மூலம் வழங்கப்படுகிறது.

இந்நிலையில், கொரோனா குறித்த புகார் மற்றும் ஆலோசனைகளை பொதுமக்கள் தெரிவிக்க ஏதுவாக, நாமக்கல் நகராட்சி அலுவலகத்தில், 24 மணி நேரமும் இயங்கும் கட்டுப்பாட்டு அறை அமைக்கப்பட்டுள்ளது.

பொதுமக்கள் 04286 221001 மற்றும் 98425 44448 ஆகிய தொலைபேசி எண்களில் தொடர்பு கொண்டு, தங்களின் புகார் மற்றும் ஆலோசனைகளை தெரிவிக்கலாம். மேலும், கொரோனா குறித்த தகவல்களையும் கேட்டுப்பெறலாம் என்று நகராட்சி கமிஷனர் பொன்னம்பலம் தெரிவித்துள்ளார்.