பிரதம மந்திரி பயிர் காப்பீட்டுத் திட்டம்: அக். 31ம் தேதி வரை காலக்கெடு

திருந்திய பிரதம மந்திரியின் பயிர் காப்பீட்டுத் திட்டத்தில் காப்பீட்டுக் கட்டணம் செலுத்த காலக்கெடு வருகிற அக்டோபர் 31ம் தேதி என நிர்ணயிக்கப்பட்டுள்ளது.

இது குறித்து கிருஷ்ணகிரி மாவட்ட வேளாண்மை இணை இயக்குநர் ராஜேந்திரன் இன்று வெளியிட்டுள்ள செய்திக்குறிப்பில், திருந்திய பிரதம மந்திரியின் பயிர் காப்பீட்டுத் திட்டத்தின் கீழ் கடன் பெறும் மற்றும் கடன் பெறா விவசாயிகள், அவர்களின் விருப்பத்தின் பெயரில் பதிவு செய்ய அனுமதி வழங்கப்பட்டுள்ளது.

மாவட்ட,பயிர் வாரியாக சராசரி மகசூலின் அடிப்படையில் காப்பீட்டுத் தொகை நிர்ணயிக்க வழிவகை செய்யப்பட்டுள்ளது. கிருஷ்ணகிரி மாவட்டத்தில் திருந்திய பிரதம மந்திரி பயிர் காப்பீட்டுத் திட்டம் சிறப்பு பருவம் அரசாணை பெறப்பட்டுள்ளது. சிறப்பு பருவம் நெல் பயிருக்கு அறிவிக்கை செய்யப்பட்ட காப்பீட்டுத் கட்டணம் செலுத்த வருகிற அக்டோபர் மாதம் 31ம் தேதி வரை என காலக்கெடு நிர்ணயிக்கப்பட்டுள்ளது.

இத்திட்டத்தின் கீழ் கடன் பெறும் மற்றும் கடன் பெறா விவசாயிகள், மாவட்டத்தில் இத்திட்டத்தை செயல்படுத்தும் அக்ரிகல்சர் இன்சூரன்ஸ் கம்பெனி ஆப் இந்தியா லிட் நிறுவனத்தின் அங்கீகரிக்கப்பட்ட முகவர்கள் மூலமாகவோ, பொது சேவை யைமங்கள் மூலமாகவோ, வங்கிகள், தொடக்க வேளாண்மை கூட்டுறவு சங்கங்கள் மூலமாகவோ விருப்பத்தின் பேரில் பதிவு செய்து கொள்ளலம்.

ஏக்கர் ஒன்றுக்கு அதிகபட்ச இழப்பீடாக நெற் பயிருக்கு ரூ.34,750.20 வழங்கப்படும். இத்திட்டத்தில் விதைப்பு முதல் அறுவடை வரை உள்ள பயிர் காலத்தில் ஏறப்டும் இழப்புகளுக்கும், பிர்கா வாரியாக சோதனை அறுவடை செய்து, இழப்பின் அளவை கணித்து பயிர் காப்பீடு வழங்க ஏற்பாடு செய்யப்பட்டுள்ளதால், இழப்பின் போது காப்பீட்டுத் தொகை தவறாமல் கிடைக்கும்.

விவசாயிகள் சதங்கள் அருகாமையில் உள்ள மக்கள் கணினி மையங்களை அணுகி நெல் பயிறுக்கு ஏக்கர் ஒன்றுக்கு ரூ.521.25 என செலுத்தி இத்திட்டத்தில் தங்களது பயிரினை காப்பீடு செய்து கொள்ளலாம். இத்திட்டத்தில் பயன்பெற ஆதார் எண், சிட்டா, அடங்கல, வங்கி கணக்கு புத்தகத்தின் முதல் பக்க நகல் மற்றும் பாஸ்போர்ட் அளவு புகைப்படம் போன்ற ஆவணங்களை மக்கள் கணினி மைத்திற்கு சென்று பதிவேற்றம் செய்து, பயிர் காப்பீட்டுத் திட்டத்தில் இணைந்து பயன்பெற கேட்டுக்கொள்கிறேன். இவ்வாறு தனது செய்திக்குறிப்பில் இணை இயக்குநர் ராஜேந்திரன் தெரிவித்துள்ளார்.