கிருஷ்ணகிரி உள்ளாட்சி தேர்தல்: 2 நாட்களில் 3 பேர் வேட்புமனு தாக்கல்

கிருஷ்ணகிரி மாவட்டத்தில் ஊரக உள்ளாட்சியில் காலியாக உள்ள பதவிகளுக்கு வருகிற அக்டோபர் மாதம் 9ம் தேதி தேர்தல் நடைபெறுகிறது. அதன்படி பர்கூர் ஊராட்சி ஒன்றியத்தில் வார்டு எண் 30 உறுப்பினர் பதவி ஒன்றுக்கும், நல்லூர், பின்னமங்கலம், கண்டகானப்பள்ளி ஊராட்சிகளின் தலைவர் பதவிக்கும் தேர்தல் நடைபெறுகிறது. இதே போல், கிராம ஊராட்சி வார்டு உறுப்பினர் பதவிகளில் காலியாக உள்ள 18 பதவிகளுக்கு தேர்தல் நடைபெறவுள்ளது.

இந்த பதவிகளுக்கு போட்டியிடுவதற்கான வேட்புமனு தாக்கல் செய்யும் பணி கடந்த 15ம் தேதி துவங்கியது. முதல் நாளான நேற்று 15ம் தேதி சூளகிரி ஒன்றியம் பி.குருபரப்பள்ளி ஊராட்சி வார்டு எண்.1க்கு ஒருவர் வேட்புமனு தாக்கல் செய்திருந்தார். இரண்டாவது நாளான இன்று (16ம் தேதி) சூளகிரி ஒன்றியம் தோரிப்பள்ளி ஊராட்சி வார்டு எண்.3க்கு ஒருவரும், ஊத்தங்கரை ஒன்றியம் கல்லாவி ஊராட்சி வார்டு எண்.1க்கு ஒருவரும் என 2 பேர் வேட்புமனு தாக்கல் செய்துள்ளனர். அதன்படி, கடந்த இரண்டு நாட்களில் 3 பேர் மட்டுமே வேட்புமனு தாக்கல் செய்துள்ளனர் என்பது குறிப்பிடத்தக்கது.