கன்னியாகுமாரி அதிமுக வேட்பாளருக்கு பிராமணர் சங்கம் முழு ஆதரவு

தமிழக அரசின் டெல்லி சிறப்பு பிரதிநிதியும், அதிமுக மாநில அமைப்பு செயலாளருமான தளவாய் சுந்தரம் கன்னியாகுமாரி சட்டமன்ற தொகுதியில் போட்டியிடுகிறார், இந்நிலையில் தளவாய் சுந்தரத்தை சந்தித்த தமிழ்நாடு பிராமணர் சங்க நிர்வாகிகள் முழு ஆதரவு அளித்தனர், தொடர்ந்து செய்தியாளர்களை சந்தித்த அந்த அமைப்பின் நிர்வாகிகள் கூறியதாவது:

பிராமண சமுதாயத்தையும், பிராமணர்களின் நம்பிக்கையையும் இந்துக்களின் நம்பிக்கையையும் இழிவு படுத்தியும் கேலி செய்து பேசி வரும் திமுகவிற்கு தேர்தலில் மக்கள் சரியான பாடம் புகட்ட தயாராகி விட்டனர், கன்னியாகுமரி சட்டமன்ற தொகுதியில் போட்டியிடும் அதிமுக வேட்பாளர் தளவாய் சுந்தரத்திற்கு தமிழ்நாடு பிராமணர் சங்கம் முழு ஆதரவு அளித்துள்ளது.

அதே போன்று மாநிலம் முழுவதும் அதிமுக கூட்டணிக்கு ஆதரவு அளிப்படுகிறது. தமிழ்நாடு பிராமணர் சங்க நிர்வாகிகள் 234 தொகுதிகளிலும் அதிமுக கூட்டணி மீண்டும் வெற்றிப் பெற்று எடப்பாடி கே பழனிச்சாமி தலைமையிலான அதிமுக ஆட்சி அமைய பாடுபடும் இவ்வாறு அவகள் தெரிவித்தனர்.