/* */

தேசிய தடகள போட்டிகளில் கூலித்தொழிலாளி மகள் சாதனை

தேசிய தடகள போட்டிகளில் கூலித்தொழிலாளி மகள் சாதனை
X

கன்னியாகுமரி மாவட்டத்தில் தேசிய தடகள போட்டிகளில் கூலித்தொழிலாளியின் மகள் சாதனை படைத்து வருகிறார்.

கன்னியாகுமரி மாவட்டம் நித்திரவிளை அருகே பாலாமடம் பகுதியை சேர்ந்தவர் சார்ஜின், கூலி தொழிலாளி. இவரது மகள் லிஃபோனா ரோசிலின் ஜின் (15). இவர் வாவறை பகுதியில் உள்ள அரசு உதவி பெறும் பள்ளியில் 10 ஆம் வகுப்பு படித்து வருகிறார். ஏழ்மையான குடும்பத்தை சேர்ந்த இந்த மாணவிக்கு சிறு வயதில் இருந்தே தடகள போட்டிகளில் ஆர்வம் தொற்றி கொண்டுள்ளது. மாணவி படிக்கும் பள்ளியின் உடற்கல்வி இயக்குநர் லாரன்ஸ் மாணவிக்கு தினமும் காலை 5.30 மணி முதல் 8 மணி வரையிலும் மாலை 4 மணி முதல் 7 மணி வரையிலும் சிறப்பு பயிற்சிகள் வழங்கி வந்தார்.இதனையடுத்து 7 ம் வகுப்பு படித்து கொண்டிருக்கும் போது மாவட்ட அளவிலான தடகள போட்டியில் பங்கேற்று தங்க பதக்கம் வென்றார். தொடர்ச்சியாக நடைபெற்ற பல்வேறு போட்டிகளில் ஆர்வத்துடன் கலந்து கொண்டு பதக்கங்களை வென்று குவித்தார்‌.மேலும் தேசிய விளையாட்டு போட்டிகளில் கலந்து கொள்ளும் வாய்ப்பும் மாணவிக்கு கிடைத்தது.

அதிலும் அவர் தனது கால் தடத்தை பதித்து முதல் முறையாக மும்பையில் நடைபெற்ற தேசிய அளவிலான 400 மீட்டர் ஓட்டப் போட்டியில் தங்கம் வென்று சாதனை படைத்தார். தொடர்ந்து டெல்லியில் நடந்த 1000 மீட்டர் போட்டியில் தங்கம் வென்ற அவர் கோவாவில் நடந்த ஒரே போட்டியில் 400 மற்றும் 600 மீட்டர் ஓட்டத்தில் கலந்து கொண்டு இரண்டு தங்க பதக்கங்களை வென்று சாதனை புரிந்தார்.இந்நிலையில் வருகிற 21 ம் தேதி பஞ்சாப் மாநிலத்தில் நடைபெற இருக்கும் தேசிய அளவிலான தடகள போட்டியில் பங்கேற்க உள்ளார்.அதிலும் தங்க பதக்கம் வென்று 5 வது முறை தேசிய அளவிலான தங்க பதக்கத்தை வாங்க வேண்டும் என்ற முயற்சியில் தொடர்ந்து ஈடுபட்டு வருகிறார். ஆனால் மாணவி நன்றாக படித்தும் வருகிறார்.

வரும் காலத்தில் இந்திய நாட்டிற்காக விளையாடி நாட்டிற்கும் மாவட்டத்திற்கும் பெருமை சேர்ப்பேன் என்றும் ஐபிஎஸ் ஆகி நாட்டிற்கு சேவை செய்வதே தனது வாழ்நாள் லட்சியம் என்று தெரிவித்தார். சாதனை படைக்க துடிக்கும் மாணவிக்கு அனைவரும் வாழ்த்துக்கள் தெரிவித்து வருகின்றனர்.

Updated On: 7 March 2021 4:43 AM GMT

Related News

Latest News

  1. திருமங்கலம்
    விபத்தில் சிக்கிய மாணவர்கள்: தள்ளுமுள்ளு ஏற்பட்டதில் மருத்துவமனை...
  2. உலகம்
    புற்று நோயாளிகளுக்கு முடி வழங்கிய இளவரசி கேட் மிடில்டன்..!
  3. வேலைவாய்ப்பு
    பாங்க் ஆஃப் இந்தியா அலுவலர் பணி: 143 பதவிகளுக்கு விண்ணப்பங்கள்...
  4. லைஃப்ஸ்டைல்
    சிரிப்பும் மகிழ்ச்சியும் நிறைந்த வாழ்வு: நான்கு எளிய வழிமுறைகள்
  5. ஆன்மீகம்
    புதிய விடியலுக்கான புனித வெள்ளி..!
  6. லைஃப்ஸ்டைல்
    காலை எழுந்ததும்... வெறும் வயிற்றில் சாப்பிட ஏற்ற 10 உணவுகள்
  7. இந்தியா
    பாஸ்போர்ட் சேவா இணையத்தில் தொழில்நுட்பக் கோளாறு..! பலர் பரிதவிப்பு..!
  8. வீடியோ
    🔴LIVE : திருவள்ளூரில் பாஜக வேட்பாளரை ஆதரித்து அண்ணாமலை வாக்கு...
  9. குமாரபாளையம்
    எதிர்காலத்திற்கான டிஜிட்டல் டைனமோ—ஐசிடி கருவிகள்
  10. இந்தியா
    சுத்திச்சுத்தி அடிவாங்கும் டெல்லி முதல்வர் கெஜ்ரிவால்..!