காஞ்சிபுரம்: தங்க பல்லக்கில் நாச்சியார் கோலத்தில் எம்பெருமான் வீதி உலா

வைணவ திவ்ய தேசங்களில் ஒன்றான ஸ்ரீ காஞ்சி வரதராஜ பெருமாள் திருக்கோயில் வைகாசி பிரம்மோற்சவ விழா வெள்ளிக்கிழமை அன்று கொடியேற்றத்துடன் தொடங்கியது.

பிரம்மோற்சவ விழாவில் முக்கிய விழாவான கருட சேவை விழா ஞாயிற்றுக்கிழமை காலை வெகு விமர்சையாக பக்தர்கள் புடை சூழ ஸ்ரீதேவி பூதேவியுடன் வரதர் நகரின் பல்வேறு வீதிகளில் உலா வந்தார். இன்று ஐந்தாம் நாள் காலை நாச்சியார் திருக்கோலத்தில் தங்கப் பள்ளத்தில் எழுந்தருளி நகரின் சிறு வீதிகள் வழியாக சென்று பக்தர்களுக்கு அருள் பாலித்து வருகிறார்.

எம்பெருமான் உறங்கும் சமயம் "முரன்" என்னும் ஒரு அசுரன் அவரை அழிக்க வருகின்றான். அப்போது எம்பெருமானின் திருமேனியிலிருந்து ஒரு சக்தி வெளிப்பட்டு அவனை அழித்தது. அந்த சக்திதான் "மோஹினி அவதாரம்". தேவர்களை ரட்சிக்க அவர்களுக்கு அமுது கிடைக்க எடுத்த அவதாரமும் மோஹினி அவதாரமே. ஆக தன்னை ரட்சித்துக் கொள்ளவும், தேவர்களை ரட்சிப்பதற்காகவும் எடுத்த ரட்சணத்தின் வடிவம்தான் "மோஹினி அவதாரம்". இன்று நம்மையெல்லாம் ரட்சித்து நமக்கும் வைகுண்ட பேறு உய்ய, அரங்கன் மோஹினி அவதாரத்தில் காட்சித் தருகின்றார் என கூறப்படுகிறது.