காஞ்சிபுரம்: பல்வேறு கோரிக்கைகளை வலியுறுத்தி செவிலியர்கள் கவன ஈர்ப்பு ஆர்ப்பாட்டம்

காஞ்சிபுரம் காவலான் கேட் பகுதியில் பல்வேறு கோரிக்கைகளை வலியுறுத்தி கிராம சுகாதார செவிலியர்கள் கவன ஈர்ப்பு ஆர்ப்பாட்டம் நடைபெற்றது.

வீடு வீடாக சென்று தடுப்பூசி போடுவதை கட்டாயப்படுத்தக் கூடாது, பதவி உயர்வு வழங்க வலியுறுத்துவது, தாய்,சேய் நலப்பணிகள் பாதிக்காத வகையில் சனிக்கிழமை மட்டும் தடுப்பூசி முகாம்களை அமைப்பது உள்ளிட்ட 6 அம்ச கோரிக்கைகளை வலியுறுத்தி காஞ்சிபுரம் காவலான் கேட் பகுதியில் கிராம சுகாதார செவிலியர்கள் கொட்டும் மழையையும் பொருட்படுத்தாது கோஷங்கள் எழுப்பி அரசிற்கு கவனயீர்ப்பு ஆர்ப்பாட்டம் நடத்தினர் .

சங்கத்தின் மாவட்ட தலைவர் எம்.பவானி தலைமை வகித்தார்.மாவட்ட செயலாளர் ஜி.பிரேமா,மாவட்ட பொருளாளர் தாட்சாயணி ஆகியோர் முன்னிலை வகித்தனர்.கோரிக்கைகளை விளக்கி மாநில தலைவர் அமுதவல்லி, மாநில இணைச் செயலாளர் மகாலெட்சுமி ஆகியோர் அரசு மேற்கொள்ள வேண்டிய கோரிக்கைகள் குறித்து விளக்கி பேசினார்கள். கொட்டும் மழையையும் பொருட்படுத்தாது கோரிக்கைகளை கூறி கவனயீர்ப்பு கோஷங்களையும் எழுப்பினர்.