காஞ்சிபுரத்தில், மின் தகன மயானம் அமைக்க ரூ.5 லட்சம் பங்களிப்பு தொகை அளித்த பட்டுச்சேலை நிறுவனம்..!
நமக்கு நாமே திட்டத்தின் கீழ் காஞ்சிபுரம் மாநகராட்சி சார்பில் நாகலூத்துமேடு பகுதியில், அமைக்கப்படும் மின் தகன மயானத்திற்கு பட்டுச்சேலை நிறுவனத்தின் சார்பில் ரூ.5 லட்சம் பங்களிப்பு தொகை வழங்கப்பட்டது.
HIGHLIGHTS
காஞ்சிபுரம் மாநகராட்சி மேயர் மகாலட்சுமி யுவராஜ் மற்றும் ஆணையர் கண்ணன் ஆகியோரிடம் மின் தகன் மயானம் அமைக்க ரூ.5 லட்சம் பங்களிப்பு தொகை அளித்த பட்டுச்சேலை நிறுவன உரிமையாளர் சோமசுந்தரம்.
நமக்கு நாமே திட்டத்தின் கீழ், காஞ்சிபுரம் மாநகராட்சி சார்பில் சின்ன காஞ்சிபுரம் நாகலூத்துமேடு பகுதியில் நமக்கு நாமே திட்டத்தின் கீழ் மின் தகன மயானம் சுமார் ஒரு கோடி ரூபாய் மதிப்பீட்டில் அமைக்கப்படவுள்ளது. இதற்கு பொதுமக்கள் பங்களிப்பும் மாநகராட்சியிடம் அளிக்கலாம் என அறிவிக்கப்பட்டது. இதையடுத்து மின் தகன மயானம் அமைக்க பலரும் பங்களிப்பு தொகையை வழங்கி வருகின்றனர்.
இந்நிலையில் இன்று சின்ன காஞ்சிபுரம் பகுதியை சேர்ந்த பிரபல பட்டுச்சேலை நிறுவனமான செங்கல்வராயன் சில்க்ஸ் நிறுவனம் சார்பில் மேயர் மகாலட்சுமி யுவராஜ் மற்றும் ஆணையர் கண்ணன் ஆகியோரிடம் ரூபாய் 5 லட்சம் மதிப்பிலான காசோலையை மின் தகன மயானத்திற்கு தனது பங்களிப்பாக அளிக்கப்பட்டது. இந்நிகழ்ச்சியில் பொறியாளர் கணேசன், மாமன்ற உறுப்பினர் சுரேஷ், பட்டு சேலை உரிமையாளர் லோகேஷ் மற்றும் மாநகராட்சி அலுவலர்கள் உடனிருந்தனர்.
இதையடுத்து, பொதுநல நோக்கில் காஞ்சிபுரம மாநகராட்சிக்கு மின் மயானம் அமைக்க பங்களிப்பு தொகையை வழங்கிய செங்கல்வராயன் சில்க்ஸ் நிறுவனத்தின் நிர்வாகத்துக்கு பொதுமக்கள் பாராட்டும் நன்றியும் தெரிவித்துள்ளனர்.
