பவானியில் ஜமுக்காள நெசவுத்தொழிலில் புதிய முயற்சி

ஈரோடு மாவட்டத்தில் ஜமுக்காள நகரம் என்று அழைக்கப்படும் பவானியில் பிரதானமாக நூற்றாண்டுகள் கடந்து ஜமுக்காள நெசவுத் தொழில் செய்யபட்டு வருகிறது.இதில் ஆயிரக்கணக்கான ஜமுக்காள கைத்தறி கூட்டங்கள் இருந்து வந்த நிலையில் தற்போது ஜமுக்காள தொழில் நலிவடைந்து வரும் நிலையில் உள்ளது.ஜமுக்காளத்தில் பல்வேறு வடிவிலான உருவ வடிவமைப்பு செய்து வந்த தொழிலாளர்கள்.

தற்போது புதிதாக ஜமுக்காளத்தில் தேர் வடிவத்தை கொண்டு வந்துள்ளனர். 8அடி அகலமும் 16அடி உயரமும் கொண்ட ஜமுக்காளத்தை எவ்வித தொழில்நுட்ப பயன்படுத்தாமல் தேரை தத்ரூபமாக வடிவமைத்து உள்ளனர்.மேலும் இதனை உருவாக்க 3கிலோ பாவு நூலும் 12கிலோ நார் பட்டு நூலும் கொண்டு 20நாட்களில் வடிவமைத்து இருப்பதாக நெசவாளர்கள் தெரிவித்தனர்.இந்த ஆர்டர் காரைக்குடியில் உள்ள தனியார் ஜவுளி நிறுவனத்திடம் இருந்து வந்திருப்பதாகவும் இந்த ஜமுக்காளம் வெளிநாடு செல்ல இருப்பதாக தெரிவித்தனர்.

இதையடுத்து இது போன்று ஜமுக்காளத்தில் நேர்த்தியாக உருவ வடிவமைப்பு கொண்டு வரும் நெசவாளர்கள் குறைந்த அளவில் இருப்பதால் இத்தொழிலை பாதுகாக்க அடுத்த தலைமுறையினருக்கு கற்பிக்கப்பட வேண்டும் என ஜமுக்காள கைத்தறி நெசவாளர்கள் வலியுறுத்தினர்.இதையடுத்து ஜமுக்காள கைத்தறி தொழிலை பாதுகாக்க அரசு கைத்தறி துறையின் சார்பில் பல்வேறு விழிப்புணர்வு முயற்சிகளை மேற்கொள்ள வேண்டும் என்று வேண்டுகோள் விடுத்தனர்.